Actualitats
Sant Joan le Nòu: la Calandreta a pas encara de locals per la rintrada
Dempuèi qualques setmanas, la còla de la Calandreta a facha una crida regionala per trobar un luòc d’urgéncia per l’escòla occitanofòna
LLa rintrada escolara se sarra, e l’escòla Calandreta de Sant Joan le Nòu (oficialament l’Union) a pas encara de locals. Es lo primièr còp qu’una Calandreta se tròba dins aquesta situacion. L’escòla es oficialament a la carrièra e, lo 4 de setembre que ven, poirà pas aculhir sos calandrons.
Durant l’annada escolara 2016-2017, l’escòla occitanofòna beneficiava d’un relambi que li permetiá d’ocupar los locals de l’ancian centre dels lésers municipal. Ara, segon la municipalitat, sembla pas pus possible. La darrièra reünion tenguda amb lo cònsol màger, lo 17 d’agost passat, donèt pas res. “Nos an demandat aquel rendètz-vos, èra l’ocasion de nos anonciar oficialament qu’avián pas de locals per la rintrada”, çò explicava a La Dépêche l’adjonch de las finanças, David Rofé.
Los ensenhaires e los parents dels escolants demandan de perlongar aquel relambi fins a las vacanças de Totsants o de Nadal, mas la comuna o refusa en invocant lo fach qu’un relambi èra ja donat per un an, e que de trabalhs devon èsser realizats dins aqueles locals.
La comuna vòl escolarizar los calandrons a l’escòla publica
La solucion que prepausa la comuna es d’escolarizar tres dels calandrons (los que demòran a la vila) dins l’escòla publica de la comuna. “Los autres se pòdon sarrar de lor comuna e seràn per fòrça acceptats”. Mas aquela solucion agrada pas gaire a la quinzena de parents d’escolans concernits.
Crida desesperada
La situacion es extrèmament critica. Après un an de recèrca de locals, la còla de la Calandreta de Sant Joan lo Nòu a solament rescontrats de problèmas de reglamentacion e de budget.
Dempuèi qualques setmanas, an facha una crida regionala per trobar un luòc d’urgéncia per l’escòla occitanofòna. S’òm coneis qualqu’un susceptible d’ajudar sus las comunas de Rofiac, Sant Joan le Vièlh, Sant Ginèst, Aucamvila, Sant Alban, Launaguet, Tolosa (nòrd e Balmar), òm es pregat de contactar per mail a calandreta.lunion(a)gmail.com.
Durant l’annada escolara 2016-2017, l’escòla occitanofòna beneficiava d’un relambi que li permetiá d’ocupar los locals de l’ancian centre dels lésers municipal. Ara, segon la municipalitat, sembla pas pus possible. La darrièra reünion tenguda amb lo cònsol màger, lo 17 d’agost passat, donèt pas res. “Nos an demandat aquel rendètz-vos, èra l’ocasion de nos anonciar oficialament qu’avián pas de locals per la rintrada”, çò explicava a La Dépêche l’adjonch de las finanças, David Rofé.
Los ensenhaires e los parents dels escolants demandan de perlongar aquel relambi fins a las vacanças de Totsants o de Nadal, mas la comuna o refusa en invocant lo fach qu’un relambi èra ja donat per un an, e que de trabalhs devon èsser realizats dins aqueles locals.
La comuna vòl escolarizar los calandrons a l’escòla publica
La solucion que prepausa la comuna es d’escolarizar tres dels calandrons (los que demòran a la vila) dins l’escòla publica de la comuna. “Los autres se pòdon sarrar de lor comuna e seràn per fòrça acceptats”. Mas aquela solucion agrada pas gaire a la quinzena de parents d’escolans concernits.
Crida desesperada
La situacion es extrèmament critica. Après un an de recèrca de locals, la còla de la Calandreta de Sant Joan lo Nòu a solament rescontrats de problèmas de reglamentacion e de budget.
Dempuèi qualques setmanas, an facha una crida regionala per trobar un luòc d’urgéncia per l’escòla occitanofòna. S’òm coneis qualqu’un susceptible d’ajudar sus las comunas de Rofiac, Sant Joan le Vièlh, Sant Ginèst, Aucamvila, Sant Alban, Launaguet, Tolosa (nòrd e Balmar), òm es pregat de contactar per mail a calandreta.lunion(a)gmail.com.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se li cal recordar çò que diguet en campanha. Un home sensa paraula val pas res. E que la cultura occitana val pron.
#2
Es un ancian del PCF. Es per las escòlas de l'Educacion Nacionala e contra las escòlas immersivas. Pr'aquò, aviá promés quand faguèt campanha pendent las municipalas passadas d'ajudar e sosténer la Calandreta de l'Union. Pecaire ... sabèm la seguida.
Aürosament, lo cònsol es de senèstra... Non galegi
n'i a pas de mobilizacion prevista, que seré important de's mobilizar tots amassas com los bascs entà dehener las nostas escòlas. Dilhèu que seré un prumer pas suu camin.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari