Lo mes de setembre arriba: las pelhòfas van començar en Austràlia e qualques plaças son encara de prene par las fasas finalas de la Superliga o per la preséncia a aqueste nivèl la sason venenta.
Hull-FC mestreja la finala de la Cup a Wembley
La marca finala pòt semblar sarrada 18-14 amb la diferéncia faita sus las transformacions capitadas, mas en realitat, non se vegèt quasiment que lo negre e blanc d’Hull FC sus la pelena amb lo mesclanha Marc Sneyd a la manòbra que faguèt virar canturla als jogaires de Wigan que capitèron jamai de balhar d’ample a lor jòc. L’ensag decisiu venguèt en seguida d’un 40-20 trapat per Sneyd. Valents ça que la, los jogaires de Wigan demorèron dins la partida fins a la còrna, mas seriá estat un vertadièr raubatòri se s’èran emportats lor vinten trofèu, davant los 70 000 espectators presents.
Èra la quatrena oposicion en finala entre las doas formacions e es lo primièr còp qu’Hull FC sortís victoriós de l’afrontament.
D’oxigèn pels catalans
Los catalans an mes a profièit la pausa del calendièr en rason de la finala de la Cup per s’anar oxigenar a Font Romeu abans d’entamenar l’importantissim mes de setembre ont l’avenir del club es en jòc. Los Dragons son dins l’obligacion de començar d’un biais positiu lor tièra de quatre partidas amb lo desplaçament dimenge de vèspre cò d’Halifax.
NRL: la uèitena plaça encara en jòc
Demòra encara una jornada de la fasa de classament de jogar en Austràlia. Dins la partida entre Bròncos e Anguialas, lo segonda-linha de Parramatta Reece Robinson marquèt aprèp 12 segondas de jòc! L’alièr Radradra signèt quatre ensages e las Anguialas ganhèron a Brisbane: 52-34.
La Tempèsta de Melbourne (19 victòrias per 4 desfaitas) acabarà en cap de fila aquesta fasa de classament. La plaça de segond serà pels Polets (36 pts) o pels Bròncos (34 punts). Las Anguialas e los campions Làmias seràn qualificats. Amb 30 punts, las Pantèras de Penrith, los Vaquièrs e Manly completan, per l’ora, lo grop de uèit mas los Dragons de Sant Jòrdi (28 punts) pòdon encara somiar a una qualificacion sul fial en doblant lo batut de l’afrontament Manly-Penrith.
Alan Roch
Hull-FC mestreja la finala de la Cup a Wembley
La marca finala pòt semblar sarrada 18-14 amb la diferéncia faita sus las transformacions capitadas, mas en realitat, non se vegèt quasiment que lo negre e blanc d’Hull FC sus la pelena amb lo mesclanha Marc Sneyd a la manòbra que faguèt virar canturla als jogaires de Wigan que capitèron jamai de balhar d’ample a lor jòc. L’ensag decisiu venguèt en seguida d’un 40-20 trapat per Sneyd. Valents ça que la, los jogaires de Wigan demorèron dins la partida fins a la còrna, mas seriá estat un vertadièr raubatòri se s’èran emportats lor vinten trofèu, davant los 70 000 espectators presents.
Èra la quatrena oposicion en finala entre las doas formacions e es lo primièr còp qu’Hull FC sortís victoriós de l’afrontament.
D’oxigèn pels catalans
Los catalans an mes a profièit la pausa del calendièr en rason de la finala de la Cup per s’anar oxigenar a Font Romeu abans d’entamenar l’importantissim mes de setembre ont l’avenir del club es en jòc. Los Dragons son dins l’obligacion de començar d’un biais positiu lor tièra de quatre partidas amb lo desplaçament dimenge de vèspre cò d’Halifax.
NRL: la uèitena plaça encara en jòc
Demòra encara una jornada de la fasa de classament de jogar en Austràlia. Dins la partida entre Bròncos e Anguialas, lo segonda-linha de Parramatta Reece Robinson marquèt aprèp 12 segondas de jòc! L’alièr Radradra signèt quatre ensages e las Anguialas ganhèron a Brisbane: 52-34.
La Tempèsta de Melbourne (19 victòrias per 4 desfaitas) acabarà en cap de fila aquesta fasa de classament. La plaça de segond serà pels Polets (36 pts) o pels Bròncos (34 punts). Las Anguialas e los campions Làmias seràn qualificats. Amb 30 punts, las Pantèras de Penrith, los Vaquièrs e Manly completan, per l’ora, lo grop de uèit mas los Dragons de Sant Jòrdi (28 punts) pòdon encara somiar a una qualificacion sul fial en doblant lo batut de l’afrontament Manly-Penrith.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Diluns : Tolosa Olimpic bat Sheffield 32-16
http://www.to13.com/en-bref/championship-shield-round-4-le-to-assure-la-1ere-place/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari