Actualitats
D’eurodeputats planhon la detencion de dos dissidents turcs en Espanha
Las autoritats espanhòlas an arrestat lo jornalista turcosuedés Hamza Yalçin e l’escrivan turcoalemand Donğan Akhanlı a la demanda de Turquia
Lo planh per la detencion de dos dissidents turcs dins l’estat espanhòl es arribat al Parlament Europèu. D’eurodeputats socialistas, populars, liberals e verds expausèron dijòus passat lor chepic a la representanta de l’Union Europèa, Federica Mogherini. Fa qualques jorns, las autoritats espanhòlas arrestèron lo jornalista turcosuedés Hamza Yalçin e l’escrivan turcoalemand Donğan Akhanlı a la demanda de Turquia.
Los deputats an avertit Mogherini que lo fach que la polícia espanhòla extradisca dos dissidents devèrs Turquia es un “precedent perilhós” e creson que cal trobar una responsa comuna per gerir las demandas d’extradicion de païses fòra l’UE. En mai d’aquò, los èurodeputats se demandan se l’extradicion devèrs Turquia garentís l’integritat morala e fisica dels detenguts, a causa de l’estat d’emergéncia que i a dins aquel país, ont an derogada a la Convencion Europèa dels Dreches Umans.
Los deputats an avertit Mogherini que lo fach que la polícia espanhòla extradisca dos dissidents devèrs Turquia es un “precedent perilhós” e creson que cal trobar una responsa comuna per gerir las demandas d’extradicion de païses fòra l’UE. En mai d’aquò, los èurodeputats se demandan se l’extradicion devèrs Turquia garentís l’integritat morala e fisica dels detenguts, a causa de l’estat d’emergéncia que i a dins aquel país, ont an derogada a la Convencion Europèa dels Dreches Umans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Finaudèls, aqueles Castelhans ! Se refusan de cooperar amb Turquia, se retrobaràn lèu o tard a ajudar discidents Kurdes. E cossí, d'una part, defendre los Kurdes, e, d'autra part, empachar tot procediment democratic a Catalonha o Euskadí dins una amira d'autodeterminacion democratica ? Los Castelhans an trobada la reponsa : cal ajudar Turquia a secutar tot contestatari… E òsca la democracia !
E cal remembrar qu'un jornalista francés es totjorn detengut en Turquia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari