Lo Parlament de Catalonha a fach son primièr acte d’independéncia amb una lei per poder votar
Dins una jornada plena de tensions e de trabucs, la majoritat independentista de la cambra catalana es arribada d’aprovar una lei que permeta de menar a bon tèrme lo referendum d’independéncia del 1r d’octòbre que ven
Far una lei per poder votar: aital es lo biais qu’a trobat lo Parlament de Catalonha per poder menar a bon tèrme lo referendum d’independéncia del 1r d’octòbre venent, après que l’estat espanhòl lo declararà illegal e ensajarà de l’empachar. Dins aquel sens, la cambra catalana faguèt ièr, 6 de setembre, son primièr acte d’independéncia amb l’aprobacion de la Lei del Referendum. Aquela lei declara la legalitat catalana superiora a la legalitat espanhòla, coma o met en evidéncia l’article 3 que ditz:
“Aquesta lei [...] preval ierarquicament sus totas las nòrmas que pòscan intrar en conflicte, en tant que regula l’exercici d’un drech fondamental e inalienable del pòble de Catalonha”.
La majoritat independentista de la cambra catalana a capitat a forçar lo reglament per avançar dins la votacion d’aquela lei dins una sesilha cargada de tensions. (vidèos / fòtos)
Los detalhs d’aquela lei e del debanament del referendum se presentèron en public lo 4 de julhet passat, coma ben o raportèrem sus Jornalet. Mas la convocacion se faguèt pas oficiala a causa de las menaças de l’estat espanhòl. Ara que la Lei del Referendum es aprovada pel Parlament de Catalonha, l’estat espanhòl a mes en marcha totes los mecanismes per agir judiciàriament contra las autoritats convocantas.
Lo ministèri public a anonciat que farà sa denóncia contra lo burèu del parlament per aver permés lo debat d’aquela lei. De son costat, lo govèrn espanhòl a demandat al Tribunal Constitucional que paralize sul pic las decicions presas pel Parlament de Catalonha.
Per quant a ela, la presidenta del Parlament de Catalonha, Carme Forcadell, qu’es la tòca de totas las acusacions espanholistas, a demandat la desqualificacion dels membres del Tribunal Constitucional per lor manca d’imparcialitat.
A 22h30, lo president, Carles Puigdemont, e tot son govèrn, signèron la convocacion del referendum.
A 22h30, lo president, Carles Puigdemont, signèt la convocacion del referendum
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Felicitacions ais independentistas catalans dau Principat! Ara, esperem que l'independentisme se difuse dins la rèsta dei País Catalans. E tanben aicí en Occitània.
Brau! Bèu trabalh, l'istòria s'escriu chasque jorn!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Bé, en fi, clar marxem!
Visca la Terra...LLiure!
L'Ernest, "El Tàrrega".
Lo bufon de C,s volia far perdra temps amb sas pardaladas, se pensava qu' atal no s'arribaria pas a votar.
Felicitacions ais independentistas catalans dau Principat! Ara, esperem que l'independentisme se difuse dins la rèsta dei País Catalans. E tanben aicí en Occitània.
Brau! Bèu trabalh, l'istòria s'escriu chasque jorn!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari