D’agents de la Gàrdia Civila intrèron dissabte passat dins la redaccion del El Vallenc, un setmanièr local de la vila de Valls (Catalonha). Lo director foguèt menat al comissariat, acusat de collaborar amb lo referendum d’independéncia de Catalonha e Aran, previst pel 1r d’octòbre venent, que l’estat espanhòl a declarat illegal e ensaja d’empedir.
 
L’accion dels policièrs provoquèt una granda responsa dels ciutadans (fòtos). Drechas davant los policièrs, mai d’un centenat de personas, que mostravan de bulletins de vòte, balhèron de girofladas als agents e lor cantèron “Ont son los bulletins de vòte?” e  “Adieu-siatz” quand partiguèron.
 
Lo Collègi dels Jornalistas de Catalonha a condemnat l’accion policièra.
 

#MAMBO a Valls #NoTenimPorpic.twitter.com/Lg4tXyJ1EQ

— Francesc Martinell (@Ciskae83) 9 de setembre de 2017

 

@Berlustinhopic.twitter.com/LmAMq8B1D1

— HANKERRRR (@hankoners) 9 de setembre de 2017

Perquisionavan los salariats d’una estampariá

Dimècres passat de ser, doas veituras de la Gàrdia Civila s’installèron davant una estampariá de la vila de Constantí, près de Tarragona (Catalonha). Aquí los agents escorcolhèron las personas qu’intravan e sortissián de l’usina. La rason n’es que sospechavan qu’aquí s’estampava los bulletins de vòte pel referendum.
 
Dijòus de matin, qualques militants de la CUP anèron vesitar los agents en lor liurar qualques bulletins de vòte, falses mas semblables als que los elegeires emplegaràn lo 1r d’octòbre que ven. “S’agís d’una accion simbolica”, çò diguèron. Puèi publiquèron d’imatges de l’accion sus Twitter en disent: “Lor fa pas mestièr de cercar dins d’estampariás e de compelir los emplegats! Ara pòdon partir”.
 
 

Hem entregat butlletes del referèndum a la @guardiacivil! No cal que busquin a impremtes i coaccionin treballadores! Ja poden marxar! pic.twitter.com/bOc5Bb6MK4

— CUP Reus (@CUPReus) 7 de setembre de 2017

 
Qualques instants abans, aqueles militants anèron a la delegacion del govèrn espanhòl a Tarragona per manifestar lor sosten al referendum e lor oposicion a las perquisicions de la Gàrdia Civila. Portavan una reproduccion giganta del document de vòte que s’emplegarà lo 1r d’octòbre.
 
 

Estem davant Delegació del Govern espanyol a #Tarragona per registrar una butlleta ben gran per a @marianorajoy perquè votarem! #prenpartitpic.twitter.com/JZZPtboVbd

— CUP Reus (@CUPReus) 7 de setembre de 2017

 
Enfin, divendres passat, la Gàrdia Civila obtenguèt la permission judiciària per far una perquisicion. I passèron tres oras en partissent amb una caissa voida, segon çò qu’a explicat a TV3 l’avocat de l’estampariá. E dissabte s'emportèron dos saquetons de papièrs.