Actualitats
Catalonha e Aran: menan en justícia los 712 cònsols qu’an donat lor supòrt al referendum
Las comunas aranesas de Les e Vilamòs son sus la lista negra del procuraire general de l’estat espanhòl
Lo procuraire general de l’estat espanyol, José Manuel Maza, a ordenat d’engatjar de percaces contra los 710 cònsols màgers catalans e los 2 araneses (lo de Les, Emílio Medan, e lo de Vilamòs, Jose Castet) que sostenon lo referendum d’independéncia de Catalonha e Aran, previst pel 1r d’octòbre venent, que l’estat espanhòl a declarat illegal e ensaja d’empedir.
Dins una letra mandada als quatre procuraires provincials de Catalonha, Maza lor explica que la Lei del Referendum es estada suspenduda pel Tribunal Constitucional e, per tant, “de participar als eveniments d’organizacion del referendum illegal d’autodeterminacion, fa qualificar quina conducha que siá de las autoritats, foncionaris publics, o particulars en connivéncia amb aqueles, dirigida devèrs aquela tòca, dels delictes de desobesissença, prevaricacion e malversacion dels fonzes publics”.
En mai d’aquò, lo procuraire general espanhòl senhala que la polícia judiciària e tanben los Mossos d’Esquadra (la polícia de la Generalitat de Catalonha) deuràn arrestar totes los cònsols cridats davant los jutges que i anen pas.
Davant lo naut nombre de cònsols , mai de set cents, Maza demanda als procuraires provincials que priorizen las citacions a comparéisser de las vilas mai pobladas.
A l’ora d’ara, lo territòri de Catalonha e Aran ont se tendrà lo vòte es compausat de 948 comunas, dont una quarantena an dich que collaboraràn pas amb lo referendum.
Confiscar los bulletins de vòte
Mentretant, lo govèrn espanhòl contunha de mandar a la polícia cercar ont son los bulletins de vòte e las urnas. E ara, los quatre procuraires que tòcan Catalonha e Aran an exigit que los Mossos d’Esquadra agiscan tanben per ne confiscar.
De menaças contra los mèdias publics
De son costat, la Cort Superiora de Justícia de Catalonha a mandat una letra als directors dels mèdias publics de Catalonha per lor demandar que s’abstengan de raportar qué que siá sul referendum, en los menaçar de percaces penals.
Rajoy demanda als catalans qu’anen pas votar
Per quant a el, lo president del govèrn espanhòl, Mariano Rajoy, a demandat publicament als catalans qu’anen pas votar. “Se se convòca qualqu’un per anar far partida dels burèus de vòte, que i ane pas, car i pòt pas aver cap de referendum e seriá una accion illegala”.
Dins una letra mandada als quatre procuraires provincials de Catalonha, Maza lor explica que la Lei del Referendum es estada suspenduda pel Tribunal Constitucional e, per tant, “de participar als eveniments d’organizacion del referendum illegal d’autodeterminacion, fa qualificar quina conducha que siá de las autoritats, foncionaris publics, o particulars en connivéncia amb aqueles, dirigida devèrs aquela tòca, dels delictes de desobesissença, prevaricacion e malversacion dels fonzes publics”.
En mai d’aquò, lo procuraire general espanhòl senhala que la polícia judiciària e tanben los Mossos d’Esquadra (la polícia de la Generalitat de Catalonha) deuràn arrestar totes los cònsols cridats davant los jutges que i anen pas.
Davant lo naut nombre de cònsols , mai de set cents, Maza demanda als procuraires provincials que priorizen las citacions a comparéisser de las vilas mai pobladas.
A l’ora d’ara, lo territòri de Catalonha e Aran ont se tendrà lo vòte es compausat de 948 comunas, dont una quarantena an dich que collaboraràn pas amb lo referendum.
Confiscar los bulletins de vòte
Mentretant, lo govèrn espanhòl contunha de mandar a la polícia cercar ont son los bulletins de vòte e las urnas. E ara, los quatre procuraires que tòcan Catalonha e Aran an exigit que los Mossos d’Esquadra agiscan tanben per ne confiscar.
De menaças contra los mèdias publics
De son costat, la Cort Superiora de Justícia de Catalonha a mandat una letra als directors dels mèdias publics de Catalonha per lor demandar que s’abstengan de raportar qué que siá sul referendum, en los menaçar de percaces penals.
Rajoy demanda als catalans qu’anen pas votar
Per quant a el, lo president del govèrn espanhòl, Mariano Rajoy, a demandat publicament als catalans qu’anen pas votar. “Se se convòca qualqu’un per anar far partida dels burèus de vòte, que i ane pas, car i pòt pas aver cap de referendum e seriá una accion illegala”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si em citen a declarar la Iaia, em sentiran!
Bé, això es una solemne bestiesa, no te sentit, com tot el que es fa a espanya, només cal dir davant qui ens trobem, i ho demostren amb el que fan.
Però no se'n sortiran.
Per uns Països Catalans, lliures i sobirans.
Visca la Terra...Lliure!
L'Ernest, "El Tàrrega".
De fach i a quicòm que truca al pais de Cervantès, Machado, Lorca e Picasso ... Mas tanben de Cortes, Carles Quint, Franco e l'Opus Dei ...Veirem ben la seguida amb la votz del pòble . Subretot sobeirana .
La libertat d'expression non-violenta es illegala en Espanha.
Quand es illegal de se comptar, lo regim es antidemocratic.
Se l'estat a páur de la resulta, e qu'aquò fasque taca d'òli, l'unitat espanhòla es una ficcion.
Lo rei es nud...
#tocapasamonconsol
Qué diable!
#tocapasamonconsol
Qué diable!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari