Actualitats
L’espòt qu’a creat un conflicte entre Índia e Austràlia
L’anóncia mòstra fòrça figuras restacadas a divèrsas religions que manjan d’anhèl
La societat australiana Meat & Livestock a fach una campanha de publicitat per promòure la carn d’anhèl, qu’a pas encolerit de milions d’indians fins al moment qu’Índia a presentat un planh formal al govèrn d'Austràlia. Las autoritats indianas qualifican l’espòt de “deplorable”.
L’anóncia mòstra fòrça figuras restacadas a divèrsas religions, dont Jèsus-Crist, Moïses, Zèus, Afrodita, etc., a manjar totes ensems d’anhèl. D’efièch, segon lo vidèo, es la carn “que totòm pòt manjar”. Un dels personatges d’aquel filmet es Ganèsha, un dels dieus màgers dels indians, que lo considèran vegetarian. Lo fach que lo presenten amb una sièta plena d’òsses coma s’aviá manjat tanben de carn d’anhèl es çò qu’a descadenat la colèra.
L’anóncia mòstra fòrça figuras restacadas a divèrsas religions, dont Jèsus-Crist, Moïses, Zèus, Afrodita, etc., a manjar totes ensems d’anhèl. D’efièch, segon lo vidèo, es la carn “que totòm pòt manjar”. Un dels personatges d’aquel filmet es Ganèsha, un dels dieus màgers dels indians, que lo considèran vegetarian. Lo fach que lo presenten amb una sièta plena d’òsses coma s’aviá manjat tanben de carn d’anhèl es çò qu’a descadenat la colèra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#15 Coma se ditz dins ta lenga : Bon débarras !!!!
#16 E ben aqueste discutida es fòrça mau endralhada. Èi responut a quauqu'un qu'a criticat lo hèit que degun critique pas la critica de l'indoisme. Puèi me soi trobat aperat "polícia de la pensada" pr'amor que digoi las religions son de tractar d'un sol e medish biais sens diferéncia. Benlèu es lo moment de s'apazimar e d'acabar aqueste escambi drin suberrealista on sabèm pas qui parla a qui de qué.
Sus aqueste site, sètz una ponhada que cercatz sovent garrolha a qualqu'un. Semblatz de gamenasses !
An dreit lo mond de s'exprimir en occitan e en francés, se va vòlon, e de dire çò que pensan quand va dison corrèctament. Arrestatz de tustar, tre que qualqu'un va pas dins vòstre sens. A segurament de bonas rasons de dire çò que ditz.
Vos a tustat, el ? Non. E ben, daissatz-lo estar ! Jornalet es pas vòstra proprietat e sètz pas de la polícia de las frontièiras per autorizar o non l'accès a la paraula liura.
E mai ajustarai en francés la remocada d'un policièr de la doana a Louis de Funès dins "Le Corniaud" quand l'arrèstan a Ventimilha. Vos remembratz : "Ta g... et écrase !". Bona nèit...
#8 Abans que me n'angue definitivament d'aquel blòg que pudís a parcialitat e recuperacion, ideologia e badalhonatge de paraula, respondrai al sénher "Observatòri" que l'anarquia es pas forçadament les clichats que se'n fan lo monde. Quand parlatz de "Diu" e de "Mèstre" ande una majuscula, parlatz de la personalizacion, de la dogmatizacion d'aqueles personatges.
Personalament, i meti pas qualque personatge darrèr. Mas per viure, avèm mai o mens besonh les umans d'una dimension esperitala (sens parlar de religion) puèi de qualqu'un que represente la collectivitat (associativa, comunala...) per bailejar un pauqueton las operacions (coma dins una associacion). Trobaretz totjorn aqueles foncionaments (sens voler tombar dins lo "Diu" e lo "Mèstre", çò que pòdi compréner).
Malurosament, las personas que se revendican de l'anarquia a l'ora d'ara m'espaurisson mai que me rasseguran. Son de personatges mai o mens "underground" e mai desfasats ande una energia, una vibracion pas totjorn positiva. Aquò marca mau per l'idèa d'anarquia...
Mas podriái dire la meteissa causa de totis les partits politics tradicionals ! Diferentament benlèu, mas enfin...
Ieu, me pegui pas cap d'etiqueta. E trapi de causas de redire tant a çò dels crestians coma a çò de las altras religions. Debatre, criticar, remetre en question son causas naturalas e devon foncionar per TOTIS ! Dins lo respècte, mas disi ben per TOTIS ! E vesètz, quand se parlèt tant de Charlie Hebdo, ieu soi contra aquelas caricatura sota la cencha que son criticas pubèras, facilas e vuèjas. I a un biais mai fòrt mas mai equilibrat e respectuós de ponchejar las decas d'un movement cultural, politic o religiós.
Darrèra causa : disètz "la devisa NÒSTRA". De qual parlatz ? De vòstres amics ? Dels blogaires ? Per çò qu'es de Jornalet, crèsi pas que ne siasquetz lo bailejaire per impausar una tendéncia !
E jornalisticament, seriá una manca de professionalisme.
Ande aquò, me'n vau definitivament. Cresèri un temps qu'aqueste blòg podiá far progressar de causas. Contasti que non, après qualquas annadas de comentaris anonims... Urosament, qu'auriái susprés plan mond dins lo mitan occitanista, aquò òc ! Capitarem pas de venir quicòm de seriós. Sèm de tribús que caduna vòl aver rason, sens pensar que les uns pòdon téner una part de tòrt e les altres una part de vertat. Non. Va pòdon pas concebre los occitans. Son duals (tot es negre o blanc, çò qu'es com-plè-ta-ment fals dins la Vida !). Tròp parcials e individualistas. Tròp alienats tanben. Pauca consciéncia collectiva. Seràn totjorn la preda dels quatre vents e de totas las colonizacions o recuperacions/apropriacions possiblas.
Podètz creire que soi tristaràs d'aquela situacion. Mas ai pro viscut per ne testimoniar. Cossí que vire, es quicòm mai que nos espèra, se contunham dins aquel foncionament : son d'altres, capitalistas acarnassits o totalitaristas musulmans, que faràn lor lei e impausaràn lor cultura.
O ben, qual sap, los catalans ! Cossí se desmarcaràn de l'anar actual geopolitic, politicoeconomic, religiós ?
Mas un còp mai, serem pas estats fotuts de nos pensar e d'èsser autonòms. Mon diu qu'aquò fa mal de se véser dissòure, morir...
Desiri bon astre al microcòsme de Jornalet que fa fugir son mond a flor e mesura per venir un clan !
#11 "[S]ovent lo monde considèran lor religion coma part d’eths medishs e doncas se trufar de lor religion es se trufar d’eths".
Òc, e qu’ei exactament lo pretèxte invocat per minjadius de pertot sus tèrra, a tot pip pap, entà demandar la religion que sii exemptada de tota critica. Ne i a pas NADA rason qu’un còrpus d’ideas quin que sii e benefícii d’un passadret, especiaument quan an la pretension de regentar la vita deu monde. La religion que pòt criticar la societat, la politica, las mòrs: donc que poish criticar la religion, e aquò n’ei pas negociable.
Trufà’s d’ua idea/conviccion/opinion implica inevitablament de contrariar a’us qui la profèssan.
Un jacobin be’s pòt trufar de mas conviccions occitanistas, o un ultraliberau de mon esquerrisme, o un minjadiu de mon ateïsme. Enmantolà’m de dignitat mosquilhosa n’ei pas un argument: n’ei pas qu’un pretèxte entà har carar la part contra.
—
De tota faiçon lo problèma d’aquesta reclama n’ei pas de’s trufar d’ua religion, nimei de la criticar, senon de’n dar ua representacion erronèa, e aquò entà véner sopa. Representants de la dita religion ja se’n pòden empimostar, e hà’c saber: qu’ei çò de legitim. Mes aquò ne justifica pas qu’un Estat sobiran e tròbi quédíser a la libertat d’expression en un aute Estat sobiran. Las leis autralianas no’s vòtan pas a New Delhi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari