Actualitats
La comuna de Vielha e Mijaran a enebit l’acte de deman en favor del referendum
La CUP a anonciat que, malgrat la proïbicion, menarà l’eveniment a bon tèrme. A l’acte participaràn de representants de la CUP e de Podèm, lo cònsol de Les e Alidé Sans
Malgrat l’enebicion de l’estat, dijòus passat comencèt d’un biais multitudinari la campanha per l’òc al referendum d’independéncia de Catalonha e Aran que deu aver luòc lo 1r d’octòbre venent. Aquel primièr acte se tenguèt a Tarragona, e ara la campanha contunha per tot lo territòri. Pasmens, en Aran, l’acte de la CUP previst per deman es estat interdich per la comuna de Vielha e Mijaran.
La comuna de Vielha e Mijaran a enebit l’acte politic de la CUP en favor del referendum, previst per deman, 17 de setembre. Totun, la CUP a anonciat que lo farà. Lo govèrn socialista local de la capitala aranesa a argumentat que “quin acte que siá en vista de la tenguda del referendum es estat suspendut pel Tribunal Constitucional e lo cal considerar illegal”. La CUP afirma que cal “trespassar la repression que la mena l’estat espanhòl”.
La CUP demandèt lo 12 de setembre passat l’autorizacion per la realizacion d’un acte en favor de l’òc tocant lo referendum del 1r d’octòbre, amb l’accès a l’electricitat publica per connectar la sonorizacion, mas la comuna a refusat e n’a raportat lo refús als Mossos d’Esquadra de Vielha per que l’empediscan.
A l’acte participaràn la deputada Mireia Boya (CUP), lo cònsol de Les, Emílio Medan (Unitat d’Aran), e Julian Fernández, pòrtavotz de Podèm en Aran. L’eveniment se tendrà a miègjorn e finirà amb un aperitiu acompanhat de la musica d’Alidé Sans.
“Non ai proïbit arren, ac a hèt eth Tribunau Constitucionau”, çò a dich lo cònsol màger de Vielha, Juan Antonio Serrano, qu’a precisat que son obligacion es “de hèr complir era legalitat”.
Increïble era proïbicion ara libertat d'expression. Senon i combregues, non i vas, mès deishes qu'era gent s'exprèsse. #VotarNonEiUnCrimhttps://t.co/QSVVPyMdSz
— Anna Geli Espanha (@geli_anna) 14 de setembre de 2017
Aquest acte a #Vielha ens l'ha prohibit l'Ajuntament. El farem igualment. Si esteu a prop diumenge, convidats al vermut! #Mambo#prepartitpic.twitter.com/CVOSldgbTT
— Mireia Boya Busquet (@yeyaboya) 14 de setembre de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo PSOE vol conservar lo regim PP- PSOE de corrupció que hi ha a l'Estat. S'arramba al PP que té l'aval dels bancs. Lo PP ha raubat 72.000 milions d'euros als contribuients, amb l'excusa de la crisi bancaria,e ho ha repartit als bancs que lo subvencionen. Nomai han tornat los bancs, lo 5 % del que los havien daissat . A l'hora de repartir lo PSOE vol una bona talhada dels pastís, subvencions per la campanha electoral, etcetera. Solament Podem ha destapat lo cas, e lo qu' ha denunciat lo gran raubatori del segle, de diners públics. Lo PP es lo delinqüent e lo PSOE son encobridor.
Tròbi estranha la responsa socialista d'enebir l'acte de la CUP. Coma aquò an pres lo camin de la PASOKisacion franchimanda o grega , un suicidi collectiu . E van ambe lo PS franchimand e lo PS grèc formar l'internacionala dels nanòpartits amenaçats d 'avaliments , que lèu auràn pas besonh de mai d'espaci per s'acampar que lo d'un cagador a una plaça . Bona novèla doncas , e bon vent Jospin , Fabius , e los vòstres fraires espanhòls o grècs.... Aquò's une brava clarificacion!
#5 los socialistas franceses e espanhous ( incloses los socialistas catalans del PSC) an totjorn enganat lo monde.
Per exemple dins l'estat francés, son els qu'an fait devalar los salaris (desindexacion Delors, Mitterrand), an privatizat las entrepresas nacionalas ( Jospin, Valls), an plaçat los enchufats dins l'administracion e les entrepresas publicas ( filhs e parentela de Mitterrand, utilizacion dels mitjans de l'estat per la mestressa e la filha amagada del meteis Mitterrand, eca...,) reforma del còdi del trabalh contra los intereses dels salariats !Hollande, Valls, El Khomery), eca....
Ara, son los sociates del PSOE e del PSC que son los primiers a enebir la libre expression dels catalans e dels aranesos....
#1 Los socialistas pretendon defendre una concepcion de "solidaritat sociala", valent a dire que los rics i deurián ajudar los paures e los territòris rics (coma los Païses Catalans e Euskadí) deurián ajudar territòris mai paures (coma Espanha).
Dins los faits, los socialistas (coma los autres) defendon unas politicas ont los "un pauc mens paures" devon ajudar "los plan tròp paures", mentre que los qualques odiosament mai rics s'afartan, s'enriquisson en fòra de tota mesura e escapan sistematicament a la fiscalitat.
Es donc als "un pauc mens paures Catalans" de pagar per los "plan tròp paures Espanhòls", segon los pretenduts socialistas que dins los faits, jutjan normal d'interdire a un pòble de donar son punt de vista politic subre una question que çaquelà lo concernís cap e tot. E mentrestant, los afartats que se chautan ben de las lengas e de las culturas, pòdon continuar de plan s'afartar.
#3 Creo de saupre que la Generalitat a de locals de substitucion
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari