Actualitats
Juncker: “Se ganha l'òc a l'independéncia de Catalonha, o respectarem”
Lo president de la Comission Europèa precisa que lo nòu estat deuriá passar per totas las proceduras establidas per accedir a l'Union Europèa coma membre de plen drech
Lo president de la Comission Europèa, Jean-Claude Juncker, diguèt dijòus passat dins una entrevista a Euronews que se ganhava l'òc al referendum d’independéncia de Catalonha e Aran, las institucions europèas o respectarián. Dins aquel sens, Juncker soslinhèt que la nòva respublica deuriá passar per totas las proceduras establidas per accedir a l'Union Europèa coma membre de plen drech.
Dins l’entrevista, facha per Youtube e Euronews, un usatgièr demandèt a Juncker se la Comission reconeisseriá un “òc” coma resultat del referendum. Sa responsa foguèt neta e clara:
“Coma o ai totjorn dich ieu, e tanben la Comission, nosautres respectarem lo Tribunal Constitucional e lo parlament espanhòl. Se ganha l’òc a l’independéncia de Catalonha, o respectarem. Mas Catalonha farà pas partida de l'Union Europèa sul pic. Deurà seguir las proceduras abitualas, coma los païses qu’intrèron dins l'Union Europèa en 2004”.
Podètz escotar en seguida las declaracions de Juncker en francés:
Sosten dels Estats Units
Aquelas declaracions de Juncker arribavan l’endeman que lo Departament d’Estat dels Estats Units se foguèt posicionat sul referendum a Catalonha. La pòrtavotz del departament, Heather Nauert, diguèt dins una conferéncia de premsa que s'agissiá d’una question intèrna a l’estat espanhòl. Mas i apondèt un detalh nòu: que los Estats Units s’engatjarián a trabalhar “amb lo govèrn o entitat que ne sortirà” [del referendum]. Nauert diguèt literalament: “Nosautres interferirem pas en aquela question intèrna. Trabalharem amb lo govèrn o l’entitat que ne sortirà, quina que siá”.
Dins l’entrevista, facha per Youtube e Euronews, un usatgièr demandèt a Juncker se la Comission reconeisseriá un “òc” coma resultat del referendum. Sa responsa foguèt neta e clara:
“Coma o ai totjorn dich ieu, e tanben la Comission, nosautres respectarem lo Tribunal Constitucional e lo parlament espanhòl. Se ganha l’òc a l’independéncia de Catalonha, o respectarem. Mas Catalonha farà pas partida de l'Union Europèa sul pic. Deurà seguir las proceduras abitualas, coma los païses qu’intrèron dins l'Union Europèa en 2004”.
Podètz escotar en seguida las declaracions de Juncker en francés:
Sosten dels Estats Units
Aquelas declaracions de Juncker arribavan l’endeman que lo Departament d’Estat dels Estats Units se foguèt posicionat sul referendum a Catalonha. La pòrtavotz del departament, Heather Nauert, diguèt dins una conferéncia de premsa que s'agissiá d’una question intèrna a l’estat espanhòl. Mas i apondèt un detalh nòu: que los Estats Units s’engatjarián a trabalhar “amb lo govèrn o entitat que ne sortirà” [del referendum]. Nauert diguèt literalament: “Nosautres interferirem pas en aquela question intèrna. Trabalharem amb lo govèrn o l’entitat que ne sortirà, quina que siá”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los que s'han de jutjar per cometre un delicte grandiós, es lo màxim representant del nacionalisme espanhol, lo govern del PP, que ha raubat 72.000 milions d'euros de diners publics per regalar- los a los banquiers privats. Per causa d'açò, ara l'Estat Espanyol té un gran deute. Aquestas quantitas enormas nomai las pot recuperar lo Banc d'Espanha, amb la detenció dels culpables i obligar la justicia als bancs a tornar los deutes.
#3 Catalonha: independéncia = sortida de l'UE, avant retorn eventual
= novelas frontièras
= moneda nacionala
= etc...
Aquò' s lo messatge de l'UE...atencion!
Lo referendum pausa una question, es aquò amb o sens precisions de las implicacions internacionalas?
El reconeissement dels EEUU es important en aquestes moments de resistència davant un estat d'escepción que ha posat lo PP. Junker es tamben molt positiu son reconeissement. Cal la mobilización ciutadana fins dia 1, e votar. No passa res se no es poden posar tots los cartelhs als carrers, tothom sap que s'ha de far lo referendum.
Quina es la posicion dels independentistas sus L'UE?
La responsa de Junker es pas tan clara. Se sap pas se reconeisserà lo resultat d'un referendum qu'es pas reconegut pel tribunal espanhòl. Mas, solide, la declaracion deu pas agradar gaire a Raxoi.
Ara, quicòm que los mèdias franceses calan. La consa de Madrid, Carmena, a autorizat un acte de sosten al drech de decidir amb d'eminents intellectuals. Lo PP s'es afanat per o empachar. Aquò vòl dire que quitament a Madrid i a de mond que son pas dins la linha jacobina que nos vòlon far engolir aicí.
Demest las personalitats previstas a l'acte, i a lo filosòf Javier Sábada, que se'n parla gaire perque dintra pas dins los esquèmas establits. Mas de que seriviriá un filosòf se se contenta de repapiar de sonsainas. E justament, aicí coma alai, s'estiman mai nos vendre de Fernando Savater, aquel parlufièr, qu'es pas qu'un barjacaire de salon, que nos ven parlar d'etica quand n'a pas un escapolon sus el.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari