Actualitats
Lo Giro d’Itàlia farà tres estapas en Israèl
L’OLP planh l’idèa e la considèra coma un element del plan israelian de banalizar l’ocupacion
Lo Giro d’Itàlia aviá fach d’estapas internacionalas dins d’estats coma Irlanda, Belgica o Soïssa mas ara sortirà d’Euròpa pel primièr còp. La celèbra corsa ciclista que fa lo torn d’Itàlia començarà ongan amb tres estapas dins l’estat d’Israèl, una decision qu’a ocasionat de protèstas politicas en Palestina.
Jerusalèm aculhirà la primièra d’aquelas estapas amb una corsa contra la mòstra lo 4 de mai de 2018. “L’istòria e la singularitat de Jerusalèm son las rasons per las qualas avèm causit aquela vila per començar”, çò diguèt Mauro Vengi dins una conferéncia de premsa que ven de far dins la ciutat santa, acompanhat de divèrsas autoritats politicas e esportivas de l’estat d’Israèl.
De son costat, l’Organizacion per la Liberacion de Palestina (OLP) considèra qu’aquò proven del plan israelian de banalizar l’ocupacion. “Aquò fa partida de la campanha israeliana generala de normalizar l’ocupacion, e dins lo cas de Jerusalèm en particular, l’annexion illegala del Jerusalèm oriental, compresa la vila anciana”, çò assolidèt a l’agéncia EFE lo pòrtavotz de l’OLP, Xavier Abu Eid.
Jerusalèm aculhirà la primièra d’aquelas estapas amb una corsa contra la mòstra lo 4 de mai de 2018. “L’istòria e la singularitat de Jerusalèm son las rasons per las qualas avèm causit aquela vila per començar”, çò diguèt Mauro Vengi dins una conferéncia de premsa que ven de far dins la ciutat santa, acompanhat de divèrsas autoritats politicas e esportivas de l’estat d’Israèl.
De son costat, l’Organizacion per la Liberacion de Palestina (OLP) considèra qu’aquò proven del plan israelian de banalizar l’ocupacion. “Aquò fa partida de la campanha israeliana generala de normalizar l’ocupacion, e dins lo cas de Jerusalèm en particular, l’annexion illegala del Jerusalèm oriental, compresa la vila anciana”, çò assolidèt a l’agéncia EFE lo pòrtavotz de l’OLP, Xavier Abu Eid.
Le 3 tappe della Grande Partenza del Giro 2018! Per la 1° volta un grande Giro partirà fuori dai confini europei!
— Giro d'Italia (@giroditalia) 18 de setembre de 2017
>> https://t.co/uluYTnWD5ipic.twitter.com/SapuZnmHwm
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primier qu' Israel reconega l'esta palestinès. Colhoneras !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari