CAPÇALERA PAIS INVISIBLE

Actualitats

Internacional

Mai de dos cents mòrts a causa d’un tèrratrem en Mexic

Lo president Enrique Peña Nieto a declarat l’estat d’emergéncia dins lo país

| PhotoGeo
Mai de dos-cents personas son mòrtas en Mexic a causa d’un tèrratrem. Segon las darrièras informacions qu’avèm lo nombre de victimas seriá de 224. Lo sisme, de 7,1 grs, se tenguèt dins la nuèch de dimars a dimècres e secutèt la zòna pus poblada del país. L’epicentre èra dins la vila d’Axochipan, a l’estat de Morelos. Mas es dins la capitala, la ciutat de Mexic, ont i a agut mai de mòrts, gaireben una centena, après l’esbaussament d’almens una trentena de bastissas.
 
Lo president del país, Enrique Peña Nieto, a declarat l’estat d’emergénci. Dins una entrevista a Televisa, anoncièt ièr lo desplegament de qualques milièrs de soldats (tres mila solament dins la capitala) per evitar lo pilhatge de las bastissas abandonadas.
 
Almens quatre milions de personas son sens electricitat dins la ciutat de Mexic, segon l’anóncia de la Comission Federala d’Electricitat Aquela abséncia d’electricitat a ocasionat a un autentic caòs de circulacion.
 
Fa doas setmanas i aguèt un autre tèrratrem, de 8,2 gras, que gigotèt lo sud del país. Mai d’un centenat de personas moriguèron als estats d’Oaxaca, Chiapas e Tabasco.
 
 
 
 
  +
 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article