Uèi, 26 de setembre, a l’ocasion de la Jornada Europèa de las Lengas, la Generalitat de Catalonha a lançat una campanha apelada “Hè veseder er occitan en Euròpa”. Dins aquel sens, la Direccion Generala de la Politica Lingüistica demanda que durant tota la jornada se publique sus Twitter de fiuladas en occitan amb las etiquetas #EDL2017 e #EDLOccitan.
 
Dins l’encastre d’aquesta jornada se ten lo Jorn Internacional dels Rets Socials per las Pichonas Lengas. S’agís d’una iniciativa de l’ofici per la lenga frisona, Afûk Fryslân, e la tòca es d’encoratjar los locutors de las lengas minorizadas per qu’empleguen lor lenga pròpria suls rets socials. Lo ret uèi serà tot plen de messatges en de lengas minorizadas europèas coma lo galés, lo basco, l’escocés, lo gaelic, lo galèc, lo cornic, lo frison, lo friolan. Es una bona escasença de far venir vesedor l’occitan. Remembratz-vos de far servir las etiquetas #EDL2017 e #EDLOccitan.
 
 
Tuits sobre #EDLOccitan #EDL2017