Actualitats
Lo Sindic d’Aran anóncia que s’es barrat tres burèus de vòte
Dins una conferéncia de premsa sul referendum Carlos Barrera se mostrèt chepicat per l’imatge espanholista que qualques elegits an donat al país occitan
La pena de las autoritats espanhòlas per empedir e reprimir lo referendum d’independéncia de Catalonha e Aran previst per dimenge venent a portat sas consequéncias en Aran. Los tres locals de vòte que lo Conselh General d’Aran aviá mes en disposicion del referendum son estats sagelats per la justícia espanhòla, segon çò que diguèt lo sindic d’Aran, Carlos Barrera, dins una conferéncia de premsa ièr de matin. Aquò pausa de problèmas per votar a Bossòst, Arties e Salardú. Totun, Barrera assolidèt que “se non se pòt anar a votar, era gent ei fòrça creativa e generarà amassades e comentaris...”. En mai d’aquò, la còla del Manifèst de Les fa una crida a se rassemblar dimenge davant totes los burèus de vòte, compreses aqueles tres sites, per reclamar lo drech de vòte. Asseguran que i aurà una solucion.
Los tres locals en question son la Casa Forestau de Bossòst, la glèisa de Sant Joan d’Arties e l’aubèrga Era Garona de Salardú. Èran publicats dins lo sit del referendum, mas a partir de uèi se tròban sagelats e susvelhats per la polícia 24 oras sus 24. Barrera confirmèt que l’executiu aranés aviá recebudas las requistas judiciàrias per qu’aqueles tres locals foguèsson sagelats e se i permetèsse pas de votar.
Totun, Barrera manifestèt son sosten a la libertat d’expression dels ciutadans araneses, tant dels que vòlon votar dimenge coma dels qu’o vòlgan pas far. Dins aquel sens, tanben declarèt qu’el voliá votar e que o fariá en tot “exercir eth sòn dret” dins lo burèu de vòte que li correspond.
Chepicat per l’imatge espanholista
En responsa a las questions dels jornalistas, Barrèra mostrèt son chepic màger per las declaracions que qualques elegits del país avián fachas als mèdias espanhòls en tot ofrir un imatge absoludament espanholista de la Val d’Aran. Concretament, faguèt referéncia al secretari general d’Unitat d’Aran, Paco Boya, e al cònsol màger de Vielha, Juan Antonio Serrano. Lo Sindic qualifiquèt lors declaracions de “fòrça preocupantes”
“Aguesta forma tan leugèra d’etiquetar un país non ei aconselhabla”, çò diguèt lo sindic. Segon el, seràn los ciutadans araneses que se definiràn quand arribarà l’ora, e “qu’en aqueth moment se pogue hèr damb serenitat e damb campanhes a on se poguen deféner es pròs e còntres dera pertenença administrativa e geografica dera Val d’Aran en Catalonha o non”.
En mai d’aquò, Barrera diguèt que “cau arrebrembar, e eth pòble aranés ac a d’auer fòrça present, qu’er actuau estatut d’identitat, de singularitat e de capacitat politica d’autogovèrn en Aran, eth pòble aranés l’exercís pera prumèra lei d’Aran de 1990 aprovada peth Parlament de Catalonha, atau coma era dusau lei d’Aran der an 2015 aprovada tanben peth madeish parlament, e qu’a estat eth Parlament de Catalonha qui a estat receptiu, a escotat e a hèt possible qu’aguest desir d’identitat e d’autogovèrn dera Val d’Aran contunhe viu gràcies ara volontat deth pòble de Catalonha e deth pòble aranés”.
Dins lo meteis sens lo sindic apondèt “qu’a dia d’aué eth Govèrn espanhòu non a hèt cap reconeishement institucionau d’autogovèrn dera Val d’Aran”.
Aué TV
Los tres locals en question son la Casa Forestau de Bossòst, la glèisa de Sant Joan d’Arties e l’aubèrga Era Garona de Salardú. Èran publicats dins lo sit del referendum, mas a partir de uèi se tròban sagelats e susvelhats per la polícia 24 oras sus 24. Barrera confirmèt que l’executiu aranés aviá recebudas las requistas judiciàrias per qu’aqueles tres locals foguèsson sagelats e se i permetèsse pas de votar.
Totun, Barrera manifestèt son sosten a la libertat d’expression dels ciutadans araneses, tant dels que vòlon votar dimenge coma dels qu’o vòlgan pas far. Dins aquel sens, tanben declarèt qu’el voliá votar e que o fariá en tot “exercir eth sòn dret” dins lo burèu de vòte que li correspond.
Chepicat per l’imatge espanholista
En responsa a las questions dels jornalistas, Barrèra mostrèt son chepic màger per las declaracions que qualques elegits del país avián fachas als mèdias espanhòls en tot ofrir un imatge absoludament espanholista de la Val d’Aran. Concretament, faguèt referéncia al secretari general d’Unitat d’Aran, Paco Boya, e al cònsol màger de Vielha, Juan Antonio Serrano. Lo Sindic qualifiquèt lors declaracions de “fòrça preocupantes”
“Aguesta forma tan leugèra d’etiquetar un país non ei aconselhabla”, çò diguèt lo sindic. Segon el, seràn los ciutadans araneses que se definiràn quand arribarà l’ora, e “qu’en aqueth moment se pogue hèr damb serenitat e damb campanhes a on se poguen deféner es pròs e còntres dera pertenença administrativa e geografica dera Val d’Aran en Catalonha o non”.
En mai d’aquò, Barrera diguèt que “cau arrebrembar, e eth pòble aranés ac a d’auer fòrça present, qu’er actuau estatut d’identitat, de singularitat e de capacitat politica d’autogovèrn en Aran, eth pòble aranés l’exercís pera prumèra lei d’Aran de 1990 aprovada peth Parlament de Catalonha, atau coma era dusau lei d’Aran der an 2015 aprovada tanben peth madeish parlament, e qu’a estat eth Parlament de Catalonha qui a estat receptiu, a escotat e a hèt possible qu’aguest desir d’identitat e d’autogovèrn dera Val d’Aran contunhe viu gràcies ara volontat deth pòble de Catalonha e deth pòble aranés”.
Dins lo meteis sens lo sindic apondèt “qu’a dia d’aué eth Govèrn espanhòu non a hèt cap reconeishement institucionau d’autogovèrn dera Val d’Aran”.
Aué TV
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Se parla de ceba, respònde d'alhet
L'ONU ha cridat a l'ordre al govern del PP e li ha dit que no seguesca violant drets fonamentals, d'informacion, de reunion, fent dentencions de càrrecs publics electes, multant a gent per exercir drets bàsics, violant la llibertat d'expression e los Drets Humans no permeten qu' es puga expressar la gent liurament.
Lo govern espanhol pertanh a las Nacions Unidas, e ha signat los Drets Fomamentals de l'Home, per tant està obligat a respectar-los. Igualment qu' el referendum d'autodeterminacion dels pobles reconegut per l'ONU. Mas lo PP nomai aplica las leis que li convenen e daissa las altras coma se non existigueran.
Ninguen te dret d'impedir que lo poble puga votar açò que vol. Ni Franco, ni Hitler, ni Mussolini, ni lo PP poden prohibir que lo poble voti.
#1 ren es perdut, tot es de ganhar!
#2 Adishatz, ua frasa que ça'm par qu'èi ja escrita en uns comentaris : " Quand un article anonça ua causa d'importança entara societat occitana, que sià deths sons estatuts, drets, economia, societat, patrimòni culturau o naturau... gessen pòcs comentaris pròpis ara causa, senon tròp soent eth tipic professor d'ortografa e gramatica damb eras correccions suas"
Eth Occitanisme, ja que i a aumens tres generacions que se perd en eras fòrmas, en eras polidas frasas ben ditas, totun aholadas de vent !
Ara eth problema qu'ei que TRES LÒCS DE VÒTS SON BARRADIS !!!!!
Eras questions serien : Entà què ? Que cau hèr ? Com ac heram ?
Anatz a veir eths anoncis e apèus entà ajudar, d'era deputada Mireia Boya des de Guilhamuc, en eth madeish Jornalet !
Un còp siguètz en Aran, metètz-vos a disposicion dera organizacion deth lòc, que ja, aquieu, saben çò que hè de besonh !
E non ac escriui entà beroiejar, que jo i anirèi !!!!
A lèu en Aran ?
Punch de forma, a destruir aprèp lectura:
Aquel títol sembla pas natural...
Aurai dich:
- Anóncia lo barrament de tres burèus
- Anóncia que tres burèus son estats barrats
- Anóncia que se son barrats tres... (castelhanisme?)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari