Actualitats
Tolosa: far viure la lenga e lo país en cantant ensems a la beguda
La serada cafè-cantaires amb Xavier Vidal e l’AMTET se tendrà dijòus que ven a La Topina, lo cafè associatiu de l’Ostal d’Occitània
Beure un còp e cantar ensems en occitan, vaquí lo biais pus nòstre de far viure la lenga e la cultura del país. Dins aquel sens, La Topina prepausa dijòus que ven, 5 d’octòbre, un cafè-cantaires ont cadun pòt cantar, acompanhat per d’instrumentistas.
Asseguran la reüssida de la serada los musicians Xavier Vidal e l’AMTET, qu’es l’associacion qu’amassa los estudiants de musicas tradicionalas de la Ciutat Mondina.
La Topina es lo projècte d’un cafè associatiu dins l’Ostal d’Occitània, un ostal tolosan del sègle XIVn, que prepausa de dimècres a dissabte de 10h a 22h de restauracion en promovent los produches labelizats occitans, comèrci equitable e bio. Es tanben un endrech de socializacion de la lenga occitana e un luòc cultural, festiu e convivial.
Asseguran la reüssida de la serada los musicians Xavier Vidal e l’AMTET, qu’es l’associacion qu’amassa los estudiants de musicas tradicionalas de la Ciutat Mondina.
La Topina es lo projècte d’un cafè associatiu dins l’Ostal d’Occitània, un ostal tolosan del sègle XIVn, que prepausa de dimècres a dissabte de 10h a 22h de restauracion en promovent los produches labelizats occitans, comèrci equitable e bio. Es tanben un endrech de socializacion de la lenga occitana e un luòc cultural, festiu e convivial.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La cerveza i es bona, lo patron simpatic, e la pratica agradiva, simpla e naturala.
En mai d'aquò la Topina ofrís un encastre remirable que torna plan plan viu.
La noiridura i es simpla, mas excelenta : la cosina de la Topina es per esséncia la definicion de la Qualitat contra lo "Pedantisme". Es l'art poetic del gost que s'i trabalha, e que nos fa soscar sus la riquesa de las causas simplas.
Grand mercés e òsca a la còla de la Topina per son brave trabalh. Vaquí la vida vidanta fòrta ; alara nos i cal anar fòrça per la tastar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari