Actualitats
Lo Centre de Formacion Professionala d’Occitània Miègjorn-Pirenèus en cauma illimitada
Denóncian una marrida gestion, de marridas practicas, de demissions e purgas, e cranhon una desparicion de l’estructura
Los salariats del Centre de Formacion Professionala d’Occitània Miègjorn-Pirenèus (CFPO-MP) son en cauma illimitada dempuèi diluns passat.
Los caumaires denóncian una marrida gestion, de marridas practicas, de demissions e purgas, e cranhon una desparicion de l’estructura. Aquela gestion, que li dison “arcaïca”, a descadenat —segon los caumaires— “un plan de redreiçament economic que nos mena encara auèi dreit dins la paret”. En mai d’aquò, planhon “de persecucions, le flicatge generalizat, les òrdres absurdes” e tanben que lo material se tròbe dins de condicions “deplorablas”.
Aquela gestion, segon los caumaires, a menat l’ancian burèu a la demission e a l’organizacion de “purgas” dintre lo personal.
Tocant las revendicacions, exigisson la fin dels secutaments dels salariats e la levada de las sancions, de revalorizacions salarialas a nautor de las grasilhas de salaris en vigor dins la convencion collectiva dels organismes de formacion professionala, e la perennizacion dels contractes precaris.
Le Centre de Formacion Professionala d’Occitània Miègjorn-Pirenèus es especializat dins l’ensenhament de l’occitan. Dempuèi 1999 prepausa una ofèrta de formacion variada de qualitat e dobèrta a totòm, en gascon e en lengadocian.
Los caumaires denóncian una marrida gestion, de marridas practicas, de demissions e purgas, e cranhon una desparicion de l’estructura. Aquela gestion, que li dison “arcaïca”, a descadenat —segon los caumaires— “un plan de redreiçament economic que nos mena encara auèi dreit dins la paret”. En mai d’aquò, planhon “de persecucions, le flicatge generalizat, les òrdres absurdes” e tanben que lo material se tròbe dins de condicions “deplorablas”.
Aquela gestion, segon los caumaires, a menat l’ancian burèu a la demission e a l’organizacion de “purgas” dintre lo personal.
Tocant las revendicacions, exigisson la fin dels secutaments dels salariats e la levada de las sancions, de revalorizacions salarialas a nautor de las grasilhas de salaris en vigor dins la convencion collectiva dels organismes de formacion professionala, e la perennizacion dels contractes precaris.
Le Centre de Formacion Professionala d’Occitània Miègjorn-Pirenèus es especializat dins l’ensenhament de l’occitan. Dempuèi 1999 prepausa una ofèrta de formacion variada de qualitat e dobèrta a totòm, en gascon e en lengadocian.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal pas escotar un sol son de campana. La redaccion del jornalet se mostraria professionala en presentant lo punt de vista del burèu del CFPO.
Lo mercat de la formacion en occitan es estrech, e me pensi que i a un problèma de souses.
Praquò l'occitan fa besonh alprèp dels ancians, per exemple dins los ostals de retirada e EHPAD, los espitals e clinicas, e los metges e los demai...
Aquò costa pas res a l'entrepresa...
I a quicòm a far,sai que...
Quants salariats i a al CFPO-MP e quinas son las vertadièras rasons d'aquela cauma?
Sembla que nos tirem un còp de fusèlh al pè, se escagassam los escàsses espleches de difusion de l'occitan que fonciònan plan.
Passèri examens al CFOP-MP (B1 e C1). L'organizacion administrativa foguèt perfiecha.
Manquèri lo nivèl C1, malgrat une mejana generala nauta, pr'amor que la jurada me botèt una nota eliminatòria a l'oral per "manca d'esperit de sintèsi" alara que que faguèri notas d'aquesta mena durant tota la vida professionala (cadre A de la foncion publica de l'estat francés).
Caumaire = gréviste = chômeur?!
Aquò's pas possible! Macron va se trufar un còp de mai...
Cossí se ditz en bon occitan?
Dieu me damne! e serián pas qualques jacobins infiltrats los marrits gestionaris que dinamitan pel dedins lo CFPO? Ne cal saupre mai!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari