Actualitats
Kazuo Ishiguro, Prèmi Nobel de literatura
D’origina japonesa, Ishiguro es un dels noms mai remarcats de la ficcion narrativa britanica contemporanèa
L’Acadèmia Suedesa autregèt ièr dijòus lo prèmi Nobel de literatura a l’escrivan britanic d’origina japonesa Kazuo Ishiguro. Los favorits al guierdon èran lo japonés Haruki Murakami e lo kenyan Ngugi Wa Thiong’o, mas lo successor del poèta e cantador Bob Dylan es estat l’autor de The Remains of The Day (Çò que rèsta del jorn). Nasquèt a Nagasaki en 1954, mas sa familha se mudèt al Reialme Unit en 1960. A l’ora d’ara Kazuo Ishiguro demòra a Londres e es un dels noms mai remarcats de la ficcion narrativa britanica contemporanèa. Sos romans son estats traduches en 28 lengas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
"Hacerse el sueco", en espanhòl, vòl dire: far coma se res non èra. Alara, esperar d'un suedés que se maine d'un escrivan dins una lenga sens estat... Mistral deu èsser plan lo sol. Salvador Espriu foguèt presentat pel prèmi, e o meritava mai que d'autres, mas imagini qu'aguèt pas pro d'ajuda, emai, lenga de pelha que soi! que d'unes faguèron de lobbying en contra.
Ane, encara un còp se recompensa un qu'escriu en anglés. Disi pas qu'a pas de meriti mas es mai complicat per lo qu'escriu en albanés!
Sens voler levar lo meriti del nòu diplomat, seriá estat lo moment perfièch per donar lo Nobel a Jaume Cabrè, e de marcar aital d'una pèira lo buf intellectual fresc d'aquesta societat que capita de s'afirmar, e pacificament en mai d'aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari