Actualitats
Soïssa se prepausa coma mediatritz entre Catalonha e Espanha
Lo Departament Federal dels Afars Estrangièrs de Soïssa es dispausat a impulsar una plataforma de dialòg entre los govèrns espanhòl e catalan
Lo Departament Federal dels Afars Estrangièrs de Soïssa es dispausat a impulsar una plataforma de dialòg entre lo govèrn espanhòl e lo govèrn catalan, çò rapòrta RTS. “Las autoritats soïssas mantenon lo contacte amb ambedoas partidas”, çò dison de fonts del govèrn federal soís.
Lo departament que lo dirigís Didier Burkhalter a pas volgut donar mai de detalhs sus aquela question. ‘Tròp de transparéncia poiriá comprometre tot lo procès. La Confederacion [soïssa] poiriá èsser acusada tanben de parcialitat”.
Dins los darrièrs jorns lo president de la Generalitat, Carles Puigdemont, a tornat dire qu'aviá recebut divèrsas ofèrtas de mediacion. Pr’aquò, lo govèrn espanhòl a refusat quina possibilitat que siá de mediacion per resòlver lo conflicte.
Lo deputat Mathias Reynard, del Partit Socialista, a confirmat la proposicion sus Twitter: “Soïssa dobèrta per jogar un ròtle de mediacion entre Madrid e Catalonha. Fa de meses que o demandi, aquò! Una nòva excellenta!”
Lo departament que lo dirigís Didier Burkhalter a pas volgut donar mai de detalhs sus aquela question. ‘Tròp de transparéncia poiriá comprometre tot lo procès. La Confederacion [soïssa] poiriá èsser acusada tanben de parcialitat”.
Dins los darrièrs jorns lo president de la Generalitat, Carles Puigdemont, a tornat dire qu'aviá recebut divèrsas ofèrtas de mediacion. Pr’aquò, lo govèrn espanhòl a refusat quina possibilitat que siá de mediacion per resòlver lo conflicte.
Lo deputat Mathias Reynard, del Partit Socialista, a confirmat la proposicion sus Twitter: “Soïssa dobèrta per jogar un ròtle de mediacion entre Madrid e Catalonha. Fa de meses que o demandi, aquò! Una nòva excellenta!”
La Suisse ouverte à jouer un rôle de médiation entre Madrid et la Catalogne. Ce que je demande depuis des mois! Excellente nouvelle! https://t.co/Ev0UVHR9rE
— Mathias Reynard (@MathiasReynard) 6 d’octubre de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seria una bona mediatritz Soïssa. Mas lo problema es Rajoi que vol pas negociar, los neofranquitas sabon pas qu' es dialogar ni negociar. Cresi que l'ONU seria la melhor mediatritz, e podria obligar amb sa autoritat mondiala, a far complir los Drets Humans. Tamben l'Esglesia seria una bona mediatritz e obligar lo a dialogar. S'ha d'haver lo cap fred, perquè lo PP lo que vol far es lo cop d'estat, coma lo 36. E lo que s'ha de far es negociar, sense renunciar a la victòria del referendum.
Be cau totun L’U.E. que sii vaduda ua maniclassa disfoncionau s’am besonh la Soïssa que’ns vieni arreglar las pelejas de familha. E sustot que védem un còp mei que n’ei pas sonque ua engibana economica. Jamei ne son estats fotuts de har l’Euròpa deus pòbles, e ne n’an pas nat quéhar.
Plan bona iniciativa, que Soïssa es un estat federal e plurilenga fòrça mai dobert al respièch de las identitats que non pas l'Europa de Brussèlas e sustot pas Paris. De mai ,coma son pas dins Europa, son pas ligats a l'actual consensus-omertà que senhorèja de Paris a Berlin al sicut de Catalunya. Aqueles an pas paur de "pèrdre Corsèga o Flandrias" e an doncas pas d'a-priori negatiu a l'espeliment d'un novèl estat en Europa.
PS. Per curiositat anatz veire sul sit de la tele soïssa (RTS.ch) l'emission "Infrarouge" dau 27 setembre consagrada a l'independència catalana, òm i-es luonh de "C'est dans l'air" !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari