Actualitats
Manifestacion espanholista a Barcelona
A la fin de la marcha, parlèron, demest d’autres, l’èx-ministre socialista Josep Borrell e l’escrivan Mario Vargas Llosa
De milièrs de personas manifestèron ièr a Barcelona per l’unitat d’Espanha e contra l’independéncia de Catalonha e Aran. Èran 350 000 segon la polícia de la vila, e 950 000 segon l’organizacion. Jol lèma “Pro, recobrem lo sen”, los manifestants brandiguèron de drapèls espanhòls, catalans e europèus e cridèron en favor de la polícia espanhòla, dicha nacionala, e contra la polícia catalana, los Mòssis d’Esquadra, en los apelant “traïdors” e lor disent :“Sètz d’escobilhas”. Totun, los crits mai nombroses foguèron per l’unitat d’Espanha e “Puigdemont en preson”.
A la fin de la marcha, parlèron, demest d’autres, l’èx-ministre socialista Josep Borrell e l’escrivan Mario Vargas Llosa que foguèt candidat a la presidenciala de Peró. Aqueste diguèt que lo movement independentista catalan èra mogut pel “fanatisme e lo racisme”.
La protèsta foguèt convocada per l’associacion dicha Societat Civila Catalana e d’autres grops e partits politics espanholistas, qu’an facilitat lo viatge de manifestants venguts de per tot l’estat espanhòl. La manifestacion beneficièt del sosten del Partit Popular, de Ciutadans e de qualques partits d’ultradrecha coma La Falange, Vox, Plataforma per Catalonha e Somatemps. Lo Partit Socialista (PSÒE) i participèt pas coma partit, mas apelèt sos militants a i anar.
A la fin de la marcha, parlèron, demest d’autres, l’èx-ministre socialista Josep Borrell e l’escrivan Mario Vargas Llosa que foguèt candidat a la presidenciala de Peró. Aqueste diguèt que lo movement independentista catalan èra mogut pel “fanatisme e lo racisme”.
La protèsta foguèt convocada per l’associacion dicha Societat Civila Catalana e d’autres grops e partits politics espanholistas, qu’an facilitat lo viatge de manifestants venguts de per tot l’estat espanhòl. La manifestacion beneficièt del sosten del Partit Popular, de Ciutadans e de qualques partits d’ultradrecha coma La Falange, Vox, Plataforma per Catalonha e Somatemps. Lo Partit Socialista (PSÒE) i participèt pas coma partit, mas apelèt sos militants a i anar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10 Tè, lo Vargas Llosa l'avèm pas ausit sus las voléncias faissistas contra la Diada valenciana de diluns. Aitanplan coma la polícia a pas bolegat lo det menèl per empachar la violéncia mentre que s'es pas privada de tustar sus de votants pacifics dètz jorns a.
A prepaus d'aquela banda de pipòls letrats manipulaires d'opinion, tòrni conselhar per los que legisson l'espanhòl la lectura de LA DESFACHATEZ INTELLECTUAL. Un succès de librariá que tot espanhòl deuriá legir abans de repetir coma de piòts los mots d'òrdre filofranquistas d'aquel mond que, coma Monsieur Jourdain fasiá de pròsa, fan de propaganda faissista sens se'n mainar (enfin, d'unes al mens).
Aquesta manifestacion de dimenge matin, coma las de la Plaça d'Oriente en temps del Claudilho, amb excursion amb autocar tot gratuit e inclòs un entrepan amb una lesca magra de choris, per passar fam. S'hi apunten de diversos locs d'Espanha pagat pel Ministeri de Turisme. Lo PP segueix com abans, ha canviat pas., n'hi ha que lo braç se'ls queda enrampat alçat com un estaquirot.
CaixaBank e Banco de Sabadell, boicòt.
Cajabank e Banco de Madrid vos cal sonar ara...?
Era Union Europenca e'ra comunautat internacionau non poden pas arreconeixer eth arreferendum aqueth pormor qu'an a arreconeixer eth dera Crimea e aquerò non vòn pas !
Mario Vargas Llosa ? Mas de que ven far dins aquesta istòria, aquel qu'es pas mai catalan qu'espanhòl ? Es un pauc coma s'un austriac o un rus qu'auria pres la nacionalitat englèsa se permetia de dire qu'Irlàndia del nòrd dèu demorar englèsa !!! Aquel grand borgès peruvian faria mièlhs de s'entrevar de sos afars ! Ai puta, es aquò la caucion bèla qu'an trapat los espanholistas per justificar l'anexion de Catalonha ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari