Actualitats
L’occitan arriba dins las bibliotècas de Catalonha
La deputacion de Barcelona e lo CAÒC an portat un fons de libres en occitan a quatre bibliotècas que faràn d’animacions de difusion de la lenga e lo país
Quatre bibliotècas municipalas de Catalonha an ara un fons literari en occitan. S’agís de la bibliotèca El Guinardó-Mercè Rodoreda de Barcelona, del Casino de Manresa, Can Pedrals de Granollers e Centrala d’Igualada. La Deputacion de Barcelona a cromprats los libres après ne far una seleccion amb l’ajuda del Comitat d’Afrairament Occitanocatalan (CAÒC), qu’elaborèt una bibliografia basica de la literatura en occitan e destinada a l’aprendissatge de la lenga nòstra.
En mai d’aquò, la Deputacion de Barcelona s’es engatjada a contunhar de collaborar amb lo CAÒC per organizar d’activitats de difusion de la lenga e de la cultura occitanas long de tot son ret de bibliotècas.
La Deputacion de Barcelona es una institucion de l'estat espanhòl que fa partida de l'administracion locala. Son encastre d’accion es la província de Barcelona e sa tòca principala e de donar de sosten tecnic, economic, tecnologic e cultural a las comunas. L’Estatut d’Autonomia de Catalonha a previst la desparicion de sas deputacions en las remplaçant per de conselhs de vegueria dins una autra mena de division territoriala.
En mai d’aquò, la Deputacion de Barcelona s’es engatjada a contunhar de collaborar amb lo CAÒC per organizar d’activitats de difusion de la lenga e de la cultura occitanas long de tot son ret de bibliotècas.
La Deputacion de Barcelona es una institucion de l'estat espanhòl que fa partida de l'administracion locala. Son encastre d’accion es la província de Barcelona e sa tòca principala e de donar de sosten tecnic, economic, tecnologic e cultural a las comunas. L’Estatut d’Autonomia de Catalonha a previst la desparicion de sas deputacions en las remplaçant per de conselhs de vegueria dins una autra mena de division territoriala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Estic molt content que la Generalitat compràs libres occitans e ajudàs d'aquesta maniera a l'edicion de libres en Òc. Tamben es inportant qu' a bibliotecas de Barcelona e altres locs de Catalunya es puga legir libres en lenga nostra. Visca Catalunya !
#1 M'arriba pro sovent de viatjar en Catalunya pel meu trabalh. E cada còp que tòrni al nòstre, pòdi que constatar aquesta amarganta realitat, tristassa a ne'n plorar : en Catalunya lo mond e la societat parlan catalan, alara qu'en Occitània lo mond e la societat parlan parisenc. E ne'n son fieròts !
Ja, Catalonha fa mai qu'Occitània e lo sieus organismes publics e privats per l' occitan. Per axemple, assistiguèri a jornadas "Frederic Mistrau" a Santa Coloma de Farners e i a un fum d'autres actes occitans tot au long de l'annada, sens comptar l'accion de la Generalitat per l'Aran !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari