Las centralas nuclearas que nos entornejan son una espasa de Damoclès subre nòstres caps”, çò ditz un rapòrt de Greenpeace suls sits atomics dels estats bèlga e francés. Un novèl rapòrt fach per d’expèrts independents met en causa la seguretat de las installacions en senhalant sustot lor vulnerabilitat fàcia als risques d’atacas exterioras. Lo rapòrt se mòstra mai que mai inquiet sus cèrtas installacions de las centralas nuclearas francesas car 58 piscinas de refrejament son mal protegidas, e mai pòscan contenir lo volum de matèria radioactiva mai important al sen de las centralas.
 
Greenpeace a comandat aquel rapòrt a sèt expèrts internacionals, qu’an analisat 19 centralas, entre las qualas quatre son en Occitània, per tal d’identificar las falhas de seguretat, e alertar los poders publics.