Actualitats
Lo govèrn curd prepausa a Iraq de dialogar suls aeropòrts, las bancas e las frontièras
Iraq declarèt illegal lo referendum d’independéncia del 25 de setembre e a impausat de restriccions per temptar d’isolar lo govèrn curd
Lo govèrn del Curdistan Meridional diguèt dijòus passat qu’èra dispausat a dialogar amb las autoritats iraquianas sus l’estatut dels aeropòrts curds, los contraròtles frontalièrs e las bancas, après las restriccions impausadas per Bagdad a prepaus del referendum d’independéncia del 25 de setembre.
Iraq declarèt illegal aquel referendum e a impausat de restriccions per ensajar d’isolar lo govèrn curd, coma l’enebicion dels vòls internacionals que partiscan o sián a destinacion del Curdistan Meridional. E mai, reclamèt al govèrn curd que cediguèsse lo contraròtle dels pòstes frontalièrs , e quitèt de vendre de dolars a la banca curda.
“Per empedir un puniment collectiu, tornam dire al primièr ministre, Haider Al Abadi, que sèm lèstes per tota sòrta de dialòg e negociacion confòrmes a la constitucion iraquiana”, çò assegura lo govèrn del Curdistan del Sud.
Dimècres passat, los curdes acusèron las fòrças e los milicians iraquians de preparar una “importanta ofensiva” dins la region de Kirkuk e près de Mossol, dins lo nòrd d’Iraq. Un pòrtavotz de las fòrças armadas iraquianas refusèt que s’alestiguèsse una ofensiva e assegurèt que las tropas anavan atacar de milicians de l’Estat Islamic dins una zòna pròcha de la frontièra amb Siria. Totjorn dimècres, lo Conselh Suprèm Judiciari d’Iraq emetèt d’òrdres d’arrèst contra lo president de la Comission Electorala del referendum e dos de sos assessors per “aver pas complida una resolucion judiciària en vigor” qu’enebissiá lo referendum.
Iraq declarèt illegal aquel referendum e a impausat de restriccions per ensajar d’isolar lo govèrn curd, coma l’enebicion dels vòls internacionals que partiscan o sián a destinacion del Curdistan Meridional. E mai, reclamèt al govèrn curd que cediguèsse lo contraròtle dels pòstes frontalièrs , e quitèt de vendre de dolars a la banca curda.
“Per empedir un puniment collectiu, tornam dire al primièr ministre, Haider Al Abadi, que sèm lèstes per tota sòrta de dialòg e negociacion confòrmes a la constitucion iraquiana”, çò assegura lo govèrn del Curdistan del Sud.
Dimècres passat, los curdes acusèron las fòrças e los milicians iraquians de preparar una “importanta ofensiva” dins la region de Kirkuk e près de Mossol, dins lo nòrd d’Iraq. Un pòrtavotz de las fòrças armadas iraquianas refusèt que s’alestiguèsse una ofensiva e assegurèt que las tropas anavan atacar de milicians de l’Estat Islamic dins una zòna pròcha de la frontièra amb Siria. Totjorn dimècres, lo Conselh Suprèm Judiciari d’Iraq emetèt d’òrdres d’arrèst contra lo president de la Comission Electorala del referendum e dos de sos assessors per “aver pas complida una resolucion judiciària en vigor” qu’enebissiá lo referendum.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Kurdistan, Veneto, Piamont, Catalunya, això s'anima, vinga ara totes les Nacions del Mon! No seria guapo! Com quan es desmembrà Rúsia, tothom amb un estat!
Crec que pot passar,i els grans estats ho poden acceptar o no, però seria bo per ells, que ho comencessin a acceptar de bones, perquè desprès, si no ho fan, la cosa pot ésser pitjor.
Visca la Terra...Lliure!
L'Ernest, "El Tàrrega".
Quicòm mai. Un academician de la Real Academia Española a agut la bona idèa de dire quatre bestièsas sus que i a pus ges de franquisme en Espanha. Aquò dins lo porta-votz del PP qu'es vengut "El País" (perlos que legisson lo castelhan, veire las analisas de Vicenç Navarro dins "publico.es"). Antonio Muñoz Molina es, disi ieu, coma los que s'escotan parlar: el s'agacha escriure. Se pren per Proust mas es pas Proust.
Doncas, a ben fach de profiechar qu'a pagina obèrta dins lo "jornal de referéncia" que d'unes creson encara qu'es de centre esquèrra: de seguida d'aquel papafard, li es tombat sus l'esquina una avalanca de testimònis, mejançant de fiuladas (twiter), de totas las carrièras, los monuments que demòran dins vilatges e vilas, dels simbòls faissitas, dels "caídos por Dios y por España" sus las façadas de glèisas, del refús d'autorizar la recèrca dels mòrts republicans, dels onors renduts a de maselièrs de la guèrra e l'après guèrra, sens comptar las darrièras manifestacions faissistas amb emblèmas e tot que la polícia es pas intervengudas per las empachar encara que bassaquèsson de material de cafès a la plaça de Catalonha a Barcelona o qu'acivadèsson de gents que festejavan pacificament la Diada de Valéncia lo 9 d'Octòbre. Fin finala, l'Antonio nos a facilitat un bon trabalh de memòria. Contunha aital, Antoñito!
Me rapèli qu'a Valéncia,fa 35 ans, a causa de la pression dels botiflers, dels blaveros aligats als ancians franquistas que se fasián passar per valencianeros (González Lizondo, los amic valencians segur que se sovenon), costèt de se desfar de l'estatua equèstra de Franco al bèl mièg de la plaça del País Valencià, ex plaza del Caudillo. Cada 19 de març, quand cremavan la falla granda de la comuna la fola bramava: "La otra, la otra!" D'aquel temps Léo Ferré venguèt cantar a Valéncia. En passant davant l'estatua, s'estomaquèt de la veire encara aquí e diguèt: "Elle est encore là cette merde". Aquò èra lo Léo, que foguèt pas jamai academician emai la manegèsse meravilhosament a lenga francesa.
Lo Conselh de l'Euròpa (qu'es pas l'Union Europèa) insistís per una sortida de crisi negociada e los Soïsses,que fan partida del Conselh, se prepausan d'explicar a Rajoy cossí es una democracia que marcha plan. Es vertat que n'a bravament besonh mas de tot biais se'n fot. Per el, coma mai crisi i a, mens se parlas dels draps bruts de la corrupcion es es çò que compta; a despart qu'es de bona rasic franquista.
Lo Primièr ministre belga tanben a donat a "Le Soir" un vejaire qu'agrada pas ges a Madrid. Mentretant, l'ex "premier" d'un micro-estat, Junker, trapa que Catalonha es pas pro granda per venir un estat mai d'Euròpa. De tot biais, que volètz esperar de l'Euròpa de Goldman sachs (Barroso) e del blaquiment d'argent (Luxemborg, que Junker ne foguèt lo cap de còla).
Lo problèma es qu'existís una aliança objectiva entre las dictaturas ( Turquia, Irak, Iran, Siria ) e los païses " democratics " ( Euròpa, Estats units ). Melhor una injustícia ( pel Kurdistan ) qu'un grand rambalh ( per l'Occident ). Los caps d'estat vòlon pas que càmbien lo numerò de telefòn e l'interlocutor del vendeire del petròli. Per çò que concernís Catalonha, Juncker ven de dire que vòl pas d'una republica catalana ni d'una UE amb 98 estats. Benlèu que la solucion seriá de suprimir la comission que presidís e de donar lo poder al parlament europèu. Aital i auriá pas de discussions sensa fin entre los caps d'Estat ( caps d'Estat de França, Espanha et Alemanha compreses ).
Vau mielhs un dialòg entre curd e Irak qu'una opausicion directa entre curd e irak dins un contexte ente lo refrendum appareis , aus uelhs de China, Russia, Turquia, Irak, Iran coma une tentativa de l'ennemic ( l'estat islamic sostengut per Israel) de destabilisar la region.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari