Actualitats
Un jutge de Fois fa una requèsta a la Cort de Justícia de l’UE sul glifosat e d’autres pesticidas
La cort que jutja de dalhaires foissencs demanda a Euròpa se l’emplec d’aqueles pesticidas es “confòrme al principi de precaucion”
Un jutge occitan a fach una requèsta a la justícia europèa a prepaus del glifosat e d’autres pesticidas. Lo president del tribunal correccional de Fois, Hervé Barrié, acceptèt de sasir la Cort de justícia de l’Union Europèa a Luxemborg, per que diguèsse se l’emplec d’aqueles pesticidas es “confòrme al principi de precaucion”.
Las protèstas dels dalhaires a l’origina
Aquela accion a son origina dins doas accions dels Dalhaires Volontaris, çò es de militants environamentalistas opausats als OGM e als pesticidas. La primièra se tenguèt en 2016 e la segonda en març passat a Fois.
Los dalhaires avián recobèrt de pintura de bidons d’erbicida dins doas botigas de bricolatge. Ansin, 21 dalhaires foguèron convocats davant la justícia per “destruccion volontària en reünion” a una primièra audiéncia en junh e remandats a una segonda en agost. Mas lo 17 d’agost, lo president del tribunal correccional de Fois acceptèt d’examinar las questions prejudicialas soslevadas per la defensa dels dalhaires, e reportèt sa decision a dijòus passat. Lo resultat es que la cort foissenca demanda a la justícia europèa de se prononciar.
Ara, la jurisdiccion europèa de Luxemborg deu donar una responsa dins un relambi de 18 meses abans que lo jutjament dels dalhaires se pòsca contunhar al País de Fois.
“Una primièra en Euròpa”
“Es una primièra en Euròpa qu’un tribunal pause una question prejudiciala sus l’avaloracion dels pesticidas”, çò diguèt a France 3 Guillaume Tumerelle, l’avocat dels dalhaires.
Segon Tumerelle, “los metòdes d’avaloracion dels pesticidas, dont lo glifosat, tenon pas cap de compte dels efièches d’amolonament, çò que se nomena «l’efièch coctèl»”. Ansin, “aquel procès qu’èra local pòt remetre en question lo drech europèu”, çò assolidèt l’avocat.
Las protèstas dels dalhaires a l’origina
Aquela accion a son origina dins doas accions dels Dalhaires Volontaris, çò es de militants environamentalistas opausats als OGM e als pesticidas. La primièra se tenguèt en 2016 e la segonda en març passat a Fois.
Los dalhaires avián recobèrt de pintura de bidons d’erbicida dins doas botigas de bricolatge. Ansin, 21 dalhaires foguèron convocats davant la justícia per “destruccion volontària en reünion” a una primièra audiéncia en junh e remandats a una segonda en agost. Mas lo 17 d’agost, lo president del tribunal correccional de Fois acceptèt d’examinar las questions prejudicialas soslevadas per la defensa dels dalhaires, e reportèt sa decision a dijòus passat. Lo resultat es que la cort foissenca demanda a la justícia europèa de se prononciar.
Ara, la jurisdiccion europèa de Luxemborg deu donar una responsa dins un relambi de 18 meses abans que lo jutjament dels dalhaires se pòsca contunhar al País de Fois.
“Una primièra en Euròpa”
“Es una primièra en Euròpa qu’un tribunal pause una question prejudiciala sus l’avaloracion dels pesticidas”, çò diguèt a France 3 Guillaume Tumerelle, l’avocat dels dalhaires.
Segon Tumerelle, “los metòdes d’avaloracion dels pesticidas, dont lo glifosat, tenon pas cap de compte dels efièches d’amolonament, çò que se nomena «l’efièch coctèl»”. Ansin, “aquel procès qu’èra local pòt remetre en question lo drech europèu”, çò assolidèt l’avocat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Glifosfat* > glifosat
Fois* > Foish etimon = Fux > Fox > Focs > Foiss o Foish (gascon)
En gascon, la geminada "ss" se pronóncia amb una "s" siulanta que s'escriu "-ish", que se pronóncia parièr en langadocian occidental e "normalizat" en "ss" o "-iss" interna e "s" finala.
Meteissa problèma a Tolosa, a cavalhons sus Gasconha e Langadòc, ont la grafia devisa una pronóncia gaireben parièra. Preconizarai Foiss...
Per quant a la geminada latina, "ll", perque "r" en gascon e "l" en lengadocian, quand se pronóncian parièr: la flambella se pronóncia la flam'mel'la, perqué la flamera e la flambela?
Mercé de corréger...
#3#4 Badaluna ! Lo coneissi ! Una benda dessenhada que vos recomandi ! Benlèu que vos fariá sorire.
E non, mon comentari comenta pas l'article... Coneissi pas res a l'afar que ne parla, doncas ne parli pas. Per contra, vos pòdi parlar de Foish mas cresi que seriá tròp local e puèi la vertat istorica e lingüistica interèssa pas gaire.
#3 Los Dalhaires Volontaris, militants environamentalistas opausats als OGM e als pesticidas, deurián èsser aclamat coma d'eròis per l'amassada dels ciutadans critics e autogovernats.
Mas estant que vivon e luchan dins un estat repressiu (de mai en mai), elegissent de "representants" que representan son que los interèsses privats dels lobbies internacionals que vendon justament d'OGM e de pesticidalha pertot ont o pòdon, riscan pas d'èsser aclamats gaire !
E del temps que lo savi qu'a escrit aqueste article lor mòstra la luna, los bada-lums li gaitan lo det que dessús, i veson escrit "comtat de Fois(h)"…
#1
#2
En occitan lo País de Fois es un país que fa partida del Comtat de Fois, en Lengadòc. En occitan local dison Foish. (En français c'est le départament d'Ariège, Région Occitanie, en France. Ils appellent la ville Foix [foà]).
Pasmens, quin rapòrt an los vòstres comentaris amb la luta dels dalhaires contra los pesticidas e los OGM?
#1
Nosaus, un chic mès al nòrd, coneguèm Foish que t'i bastisquèguen un castèl les comtes de Foish, mas un comtat de Fois en Lengadòc, nos ditz pas res.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari