Actualitats
Lo fuòc devasta Galícia e lo nòrd de Portugal
Lo president de Galícia ditz que s’agís de “fuòcs d’omicidas”, car la majoritat d’eles son volontaris
Galícia e lo nòrd de Portugal son desolats pel fuòc. Dempuèi la dimenjada passada, de desenats d’incendis creman de biais incontrarotlada, ajudats per la calor e los vents fòrts que tòcan la region. Segon lo darrièr bilanç qu’aguèrem ièr, lo nombre de mòrts èra de 4 en Galícia e 27 en Portugal. Lo president de Galícia, Alberto Núñez Feijó, declarèt que s’agissiá de “fuòcs d’omicidas”, car la majoritat d’eles son volontaris.
La polícia espanhòla a anonciat l’identificacion de plusors personas que poirián èsser restacadas amb l’origina dels fuòcs. Pasmens, s’es pas precisat lo nombre de personas identificadas e degun es pas estat arrestat.
Quant a Portugal, lo govèrn a declarat l’estat d’emergéncia.
Dins l’imatge que seguís, podètz veire la portada dels fuòcs gràcias al sistèma de satellits Copernicus de l’UE.
Tuits sobre #ardegalicia OR #ardegaliza OR #portugal
La polícia espanhòla a anonciat l’identificacion de plusors personas que poirián èsser restacadas amb l’origina dels fuòcs. Pasmens, s’es pas precisat lo nombre de personas identificadas e degun es pas estat arrestat.
Quant a Portugal, lo govèrn a declarat l’estat d’emergéncia.
Dins l’imatge que seguís, podètz veire la portada dels fuòcs gràcias al sistèma de satellits Copernicus de l’UE.
Tuits sobre #ardegalicia OR #ardegaliza OR #portugal
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari