capçalera campanha

Actualitats

Internacional

Somalia: tres centenats de mòrts après una ataca terrorista

Mogadisho patiguèt dissabte passat lo masèl pus grand de son istòria

Dissabte passat i aguèt a Mogadisho (Somalia) un tragic e crusèl chaple terrorista amb un bilanç de mai de 300 personas mòrtas e dos centenats de nafradas, dont la majoritat en estat critic. Los terroristas faguèron espetar un camion cargat d’explosius dins una de las zònas mai frequentadas del centre vila de Mogadisho.
 
La detonacion provoquèt una onda de chòc que se percebèt dins tota la vila e una colomna de fum negre de tres quilomètres de nautor. Dins l’epicentre se trobava l’interseccion K5, ont se tròban de restaurants, sètis del govèrn somali e d’ostalariás.
 
Segon plusors testimònis, après l’explosion un grop d’òmes armats intrèron dins l’ostalariá Safari, en provocant una fusilhada amb las fòrças de seguretat. Doas oras puèi, una autra veitura amb una bomba dedins espetèt dins lo districte de Medina, en tuant almens doas personas de mai.
 
S'agís de l'ataca terrorista pus sagnosa e crusèla de l’istòria d’aquel país dempuèi l’insurreccion del jihadistas d’As Shabab, qu’aurián revendicat l’atemptat.
 
 
Situacion de caos e de guèrras
 
Somalia es victima dempuèi 1991 d'una situacion de caos e de guèrras, après la casuda de la dictatura. En 2004, divèrsas faccions arribèron a un acòrdi per formar un govèrn de transicion, e en 2012 s’aprovèt una nòva Constitucion provisòria, mas plusors mèdias considèran qu’es un estat en falhida.
 
Qualques usatgièrs de Twitter an partejat de fòtos de la destruccion provocada pels atemptats dins la capitala de Somalia.
 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article