Actualitats
Los Archius Departamentaus deus Nauts Pirenèus que son miaçats de degradacion
La conservacion d’aqueth hons qu’ei au còr d’ua polemica dab l’aparicion d’umiditat e de camparòus au bèth miei deus documents conservats
Los Archius Departamentaus deus Nauts Pirenèus que son en maishanta postura en vila de Tarba, capitala de Bigòrra.
Installats au madeish endret dempuish 1936, la question de la conservacion d’aqueth hons qu’ei betara au còr d’ua polemica, dab l’aparicion l’estiu passat d’umiditat e de camparòus au bèth miei deus documents conservats.
Au finau, que son 17 quilomètres d’archius qui son miaçats de degradacion o de desapareishuda totau, e la question de l’albergament deus Archius Departamentaus en Bigòrra que soa drin com ua “arlatenca” enas aurelhas deus bigordans dempuish quasiben 20 annadas.
Lo sit de l’Arsenal o la Teulèra Vielha Ostau que son estats evocats entà arcuélher los Archius, mes l’ASPAAM, qui ei l’associacion de sauvaguarda deus Archius en Bigòrra qu’espèran ua decision clara au nivèu politic entà sauvar aqueth hons patrimoniau en perilh.
Deu son costat, lo president deu Conselh Departamentau 65 Michel Pélieu qu’assegué aqueth dimarç “ua presa de decision rapida” entà botar en seguretat los Archius Departementaus en Bigòrra-Quate Vaths.
Ua muda qui poderé costar entre 12 e 15 milions.
Silvan Carrère
Ràdio País
Installats au madeish endret dempuish 1936, la question de la conservacion d’aqueth hons qu’ei betara au còr d’ua polemica, dab l’aparicion l’estiu passat d’umiditat e de camparòus au bèth miei deus documents conservats.
Au finau, que son 17 quilomètres d’archius qui son miaçats de degradacion o de desapareishuda totau, e la question de l’albergament deus Archius Departamentaus en Bigòrra que soa drin com ua “arlatenca” enas aurelhas deus bigordans dempuish quasiben 20 annadas.
Lo sit de l’Arsenal o la Teulèra Vielha Ostau que son estats evocats entà arcuélher los Archius, mes l’ASPAAM, qui ei l’associacion de sauvaguarda deus Archius en Bigòrra qu’espèran ua decision clara au nivèu politic entà sauvar aqueth hons patrimoniau en perilh.
Deu son costat, lo president deu Conselh Departamentau 65 Michel Pélieu qu’assegué aqueth dimarç “ua presa de decision rapida” entà botar en seguretat los Archius Departementaus en Bigòrra-Quate Vaths.
Ua muda qui poderé costar entre 12 e 15 milions.
Silvan Carrère
Ràdio País
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adixatz , en Gascon non's ditz pas nauts Pireneus mès hautas Pireneas en tot prononciar era H aspirada .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari