Actualitats
De farinas alimentàrias per noirir los paures
S’agís d’una noiridura facha amb de produches pròches de lor data de perempcion e un còp elaborada se sèrva durant longtemps
João Doria, cònsol màger de São Paulo (Brasil), ven de presentar de farinas alimentàrias per noirir los paures. Apelada “farinata”, aquela noiridura es facha amb de produches pròches de lor data de perempcion e un còp elaborada se sèrva durant longtemps. “Es bon, ieu n’ai ja manjat, a mai d’una sabor e quitament l'armada se’n servís en situacions d'urgéncia. Lo produch alimentari foguèt desvolopat per de scientifics, elaborat amb un suènh enòrme e presentat a la comuna de São Paulo amb totes los sostens academics e scientifics. Dura longtemps e es la meteissa causa que manjan los astronautas dins l'espaci”, çò declarèt Doria als mèdias locals.
La farinata es lo resultat del dich “Plan Social d’Aliments per Totes” qu’estimularà economicament los supermercats e los restaurants de la vila per que liuren lors proches alimentaris pròches de la data de perempcion, “per evitar lo degalhatge” e per aver de matèria primièra per fabricar aquelas farinas. La fabricacion de la farinata se n’encarga la societat Sinergía. Segon aquela societat, s’agís d’una “solucion reala per luchar contra la fam e servirà per tanben crear d’emplecs e reduire la despensa publica”
Amb mai d’onze milions d’abitants, São Paulo es la vila pus poblada de Sud-America e segon las estatisticas oficialas lo 47% dels estajants vivon dejós lo lindal de pauretat.
De criticas
Mas las criticas contra aquela iniciativa son plan nombrosas e asseguran que Doria vòl resòlver los problèmas d’alimentacion en noirissent los paures coma se foguèsson de cans. Dins aquel sens, lo Conselh Regional dels Nutricionistas de São Paulo soslinhèt, dins un comunicat, que l’iniciativa desfisava lo drech basic a una alimentacion convenenta, e ramentèt que se pòt pas ignorar que la dignitat es mai importanta que recebre una racion de nutriments.
Tanben lo Conselh Regional dels Nutricionistas de São Paulo diguèt a Globo que l’idèa contraveniá a las directivas del Ministèri de la Santat e del Ministèri del Desvolopament Social, que promòvon lo consume “de manjar vertadièr”.
La farinata es lo resultat del dich “Plan Social d’Aliments per Totes” qu’estimularà economicament los supermercats e los restaurants de la vila per que liuren lors proches alimentaris pròches de la data de perempcion, “per evitar lo degalhatge” e per aver de matèria primièra per fabricar aquelas farinas. La fabricacion de la farinata se n’encarga la societat Sinergía. Segon aquela societat, s’agís d’una “solucion reala per luchar contra la fam e servirà per tanben crear d’emplecs e reduire la despensa publica”
Amb mai d’onze milions d’abitants, São Paulo es la vila pus poblada de Sud-America e segon las estatisticas oficialas lo 47% dels estajants vivon dejós lo lindal de pauretat.
De criticas
Mas las criticas contra aquela iniciativa son plan nombrosas e asseguran que Doria vòl resòlver los problèmas d’alimentacion en noirissent los paures coma se foguèsson de cans. Dins aquel sens, lo Conselh Regional dels Nutricionistas de São Paulo soslinhèt, dins un comunicat, que l’iniciativa desfisava lo drech basic a una alimentacion convenenta, e ramentèt que se pòt pas ignorar que la dignitat es mai importanta que recebre una racion de nutriments.
Tanben lo Conselh Regional dels Nutricionistas de São Paulo diguèt a Globo que l’idèa contraveniá a las directivas del Ministèri de la Santat e del Ministèri del Desvolopament Social, que promòvon lo consume “de manjar vertadièr”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'avenidor es polit! Cal pas creire que çò qu'arriba en Brasil nos arribarà pas un jorn. Que la misèria creis a nòstre tanben.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari