Lo cap del Movement del Primièr de Julhet e èx-candidat socialista a la presidenciala francesa, Benoît Hamon, a definit coma “vergonhós” lo ròtle de l’Union Europèa a prepaus de la situacion en Catalonha e Aran. Dins una entrevista emesa diluns sus France Inter, Hamon critiquèt que los caps europèus sostenguèsson lo president espanhòl, Mariano Rajoy, sus l’aplicacion de l’article 155 de la Constitucion espanhòla. “Es pas la bona solucion”, çò precisèt.
 
Segon Hamon, la situacion en Catalonha e Aran es “una crisi politica e institucionala” e cal de “dialòg”. “Lo refús del dialòg de part del govèrn espanhòl e dels dirigents europèus a menat a l’androna actuala”, çò ajustèt en remarcant qu’ara tot dependiá “de las decisions de Carles Puigdemont”, lo president de la Generalitat de Catalonha.
 

.@benoithamon sur la #Catalogne: "L'#UnionEuropéenne a été d'une complicité navrante" #le79Interpic.twitter.com/dYIZJ7uApF

— France Inter (@franceinter) 23 d’octubre de 2017