Actualitats
Val d’Aran: Lo Seriòl sonarà a la seisena edicion de Era Mongetada
L’eveniment gastronomic, cultural e tradicional aranés se tendrà ongan a Bossòst e a Garòs los 28 e 29 d’octòbre venents
La seisena edicion de l’eveniment gastronomic e cultural aranés apelat "Era Mongetada" arriba ongan amb lo vam del succès de las edicions precedentas e amb un programa ric e variat dont los concèrts de musica occitana, ont vendràn Lou Seriol (Lo Seriòl, Valadas) e Gojates (Val d’Aran), e Bouilleur de sons (Cosserans).
La tòca de Era Mongetada es totjorn de promòure e recuperar la varietat locala de mongeta de Bossòst, dins un eveniment original e fòrça interessant organizat pel Grèmi d’Ostalariá de la Val d’Aran. Lo programa se debana dissabte a Bossòst, e dimenge a Garòs, e prepausa de fièras dels bestials, un mercat artisanal, de vesitas culturalas, de demostracions del tractament tradicional de la mongeta, de danças aranesas, de repaisses...
De soslinhar, totun, lo Show Cooking ont se poirà tastar los melhors plats requistes, que lor ingredient bastic es la mongeta. Los famoses cosinièrs Eva Hausmann e James Goodyear seràn a l’onor e acompanhats dels melhors caps de cosina araneses.
Dempuèi la naissença de Jornalet avèm tengut una relacion estrecha amb la còla de Era Mongetada. Ongan tanben i anarem e la nòstra implicacion serà mai intensa que jamai: farem lo Jornalet sus plaça, raportarem l’eveniment per Occitània tota e mai enregistrarem de filmets per Betevé, la television de Barcelona. Se volètz venir, nos i trobaretz. Esperam que serà una bona escasença per vos saludar e parlar un pauc.
Era Mongetada
Hèsta gastronomica deth grèmi d’ostalaria dera Val d’Aran
Bossòst - Garòs, 28 - 29 d’octòbre 2017
www.eramongetada.org
La tòca de Era Mongetada es totjorn de promòure e recuperar la varietat locala de mongeta de Bossòst, dins un eveniment original e fòrça interessant organizat pel Grèmi d’Ostalariá de la Val d’Aran. Lo programa se debana dissabte a Bossòst, e dimenge a Garòs, e prepausa de fièras dels bestials, un mercat artisanal, de vesitas culturalas, de demostracions del tractament tradicional de la mongeta, de danças aranesas, de repaisses...
De soslinhar, totun, lo Show Cooking ont se poirà tastar los melhors plats requistes, que lor ingredient bastic es la mongeta. Los famoses cosinièrs Eva Hausmann e James Goodyear seràn a l’onor e acompanhats dels melhors caps de cosina araneses.
Dempuèi la naissença de Jornalet avèm tengut una relacion estrecha amb la còla de Era Mongetada. Ongan tanben i anarem e la nòstra implicacion serà mai intensa que jamai: farem lo Jornalet sus plaça, raportarem l’eveniment per Occitània tota e mai enregistrarem de filmets per Betevé, la television de Barcelona. Se volètz venir, nos i trobaretz. Esperam que serà una bona escasença per vos saludar e parlar un pauc.
Era Mongetada
Hèsta gastronomica deth grèmi d’ostalaria dera Val d’Aran
Bossòst - Garòs, 28 - 29 d’octòbre 2017
www.eramongetada.org
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari