Actualitats
DCL: se dobrís uèi las inscripcions per l’examen oficial d’occitan
Aquel examen oficial que certifica la competéncia lingüistica se tendrà lo 30 de mai de 2018 e se cal inscriure en linha fins al 6 d’abril
Se dobrís uèi, 30 d’octòbre, lo periòde d'inscripcions pel DCL en occitan, que durarà fins al 6 d’abril de 2018. Aquel examen oficial que certifica la competéncia lingüistica se tendrà lo 30 de mai de 2018 dins de centres administrats per las acadèmias de Bordèu, Montpelhièr e Tolosa. Vos podètz inscriure en linha sul sit del DCL. Podètz trobar mai d’informacions dins lo document çai jonch, o en mandant un e-mail a marie-jose.villeneuve(a)ac-montpellier.fr.
Lo DCL es la sigla de Diplòma de Competéncia en Lenga, e se tracta d’un examen oficial de l’estat francés que servís per certificar las competéncias de la persona examinada en occitan, e en una dotzena de lengas. L’espròva simula una situacion de la vida vidanta ont lo participant deu jogar un ròtle. Après escotar d’àudios, veire de vidèos e parlar al telefòn, l’examinat resolverà una situacion e ne farà un rapòrt. Lo resultat de l’espròva decidirà qual es lo nivèl de competéncia, dins lo quadre europèu de referéncia, dels nivèls A1 fins a C1.
Los conselhs regionals prenon normalament en carga una partida de las despensas d’inscripcion.
Lo DCL es la sigla de Diplòma de Competéncia en Lenga, e se tracta d’un examen oficial de l’estat francés que servís per certificar las competéncias de la persona examinada en occitan, e en una dotzena de lengas. L’espròva simula una situacion de la vida vidanta ont lo participant deu jogar un ròtle. Après escotar d’àudios, veire de vidèos e parlar al telefòn, l’examinat resolverà una situacion e ne farà un rapòrt. Lo resultat de l’espròva decidirà qual es lo nivèl de competéncia, dins lo quadre europèu de referéncia, dels nivèls A1 fins a C1.
Los conselhs regionals prenon normalament en carga una partida de las despensas d’inscripcion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
N'aprofièchi per senhalar qu'una partida de las equipas qu'an participat a la bastison del DCL son en grèva dempuèi 1 mes contra lor burèu, sens que i aguèsse de volontat clara del burèu de discutit amb los salariats.
1 mes de grèva, es un mes sens salari.
Es la grèva la mai importanta de l'istòria de l'emplèc occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari