Actualitats
Ven de nàisser un mèdia occitan de contrainformacions
Amb lo nom de NOS - Novèlas Occitanas, aquel jornal en linha occitanista cèrca de crear un “esplech capable de nos informar, de nos formar e de nos organizar”
Ven de nàisser NOS - Novèlas Occitanas, un nòu jornal en linha en occitan e en francés amb una tòca pro neta e clara: “crear una unitat politica e ideologica necessària a la construccion d'un movement revolucionari poderós”.
Lo mèdia es menat a bon tèrme per una còla de militants politics, culturals e associatius qu’an tornat pensar lor accion, per bastir aqueste nòu mèdia. “La sintèsi de nòstreis experiéncias, l'analisi de l'epòca ont lucham, nos an fach constatar aquò: avèm besonh, imperativament, d'un esplech capable de nos informar, de nos formar e de nos organizar”, çò precisa la còla de NOS.
La còla de Jornalet saludam l’espelida de NOS - Novèlas Occitanas, e desiram qu’aqueste nòu mèdia de contrainformacions, pensat amb una amira occitana, capite ben. Dins aquel sens metèm tota nòstra òbra a lor disposicion e esperam que poscam bastir d’acòrdis de collaboracion.
Legissètz-lo sus nosinfo.org
Lo mèdia es menat a bon tèrme per una còla de militants politics, culturals e associatius qu’an tornat pensar lor accion, per bastir aqueste nòu mèdia. “La sintèsi de nòstreis experiéncias, l'analisi de l'epòca ont lucham, nos an fach constatar aquò: avèm besonh, imperativament, d'un esplech capable de nos informar, de nos formar e de nos organizar”, çò precisa la còla de NOS.
La còla de Jornalet saludam l’espelida de NOS - Novèlas Occitanas, e desiram qu’aqueste nòu mèdia de contrainformacions, pensat amb una amira occitana, capite ben. Dins aquel sens metèm tota nòstra òbra a lor disposicion e esperam que poscam bastir d’acòrdis de collaboracion.
Legissètz-lo sus nosinfo.org
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Ieu tanben e i tornarai se vol... Mercè plan mai ai pas beson de persona per me dire ça que me cal legir ni pensar sioi pron grandas... Ni diu ni mestre ni contramestre encara mai de ramonet...
#1 Cal pas oblidar que l'Enver Hodja estudièt al Clapàs ont d'aquel temps fasiá la nòça e pas de politica. Saique seriá pas lo desèrt montpelhierenc que li auriá balhada aquela vision estèrla de la politica?
#1 Vertat, Gèli Grande ? Quina decepcion. Ieu que m'imaginavi que que lo siti seriá l'organ del Front Anarquista Proudhomista Occitano-separatista… Soi plan decebut.
*contrainformacion > contrinformacion. Per evitar l'iatús, non?
Coma per:
- subre + bèl (que comença amb una consonanta) = subrebèl (aquí demòra la -e-)
- subre + abondància (que comença amb una vocala) = subrabondància pas *subreabondància (iatús)
- entre + vista (que comença amb una consonanta) = entrevista (aquí demòra la -e-)
- entre + ubrir (que comença amb una vocala) = entrubrir pas *entreubrir (iatús)
etc...
Mercés per davant per vòstras responsas...
Soi anat veire lo site de nosinfo.org
Es l'organe del Partit Comunista Marxista Leninista Occitan (PCMLO)
Mercés plan ... serà sens ièu e plan d'autres
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari