Actualitats
Catalonha e Aran: lo Parlament a proclamat l’independéncia
Mentretant, lo Senat espanhòl a aprovat la presa de contraròtle de las institucions catalanas e aranesas
Lo Parlament de Catalonha a proclamat aqueste divendres, a 15h27, la “Republica Catalana” en tot far venir efectiva la declaracion d’independéncia amb 70 vòtes en favor, 10 contra, e dos vòtes blancs. Los partits unionistas (Ciutadans, PP e PSÒE) an quitat l’emicicle just abans lo vòte, que s'es fach en secret per evitar las menaças de la justícia espanhòla que vòl perseguir per “sedicion” los deputats qu’ajan promogut l’independéncia de Catalonha e Aran.
Lo parlament demanda ara al govèrn de la Generalitat de n’aplicar los efièches e d'entamenar un procès constituent de la nòva republica.
Aperaquí cinc cent cònsols màgers de las comunas del país s’èran amassats al Parlament. Après la proclamacion, la consolessa de Badalona, Dolors Sabater, demandèt a eles totes se s’engatjavan a trabalhar pel nòu país, e totes respondèron que òc. “Davant l’involucion de l’estat espanhòl que mesprèsa nòstra sobeiranetat, lo mitan municipal se pòt sonque engatjar amb lo procès constituent”, çò precisèt Sabater.
Quant al president, Carles Puigdemont, afirmèt que “son las institucions e a l’encòp las personas que bastissèm ensems lo pòble e la societat”.
Rajoy assegura que “restaurarà la legalitat”
Mentretant, lo Senat espanhòl aprovèt la suspension del govèrn de la Generalitat de Catalonha, en prenent lo contraròtle de l’educacion, e en metent jos tutèla las decisions del parlament catalan. Aquela mesura s’efectua segon l’interpretacion que lo govèrn de Mariano Rajoy fa de l’article 155 de la Constitucion espanhòla.
En mai d’aquò, Rajoy a convocat un conselh dels ministres e assegurat que “restaurarà la legalitat en Catalonha”
Pasmens, lo president del Conselh d’Euròpa, Donald Tusk, a dich sus Twitter que reconeis pas l’independéncia, mas demanda al govèrn espanhòl qu’emplègue “la fòrça dels arguments e non pas los arguments de la fòrça”.
Aperaquí 15 000 personas se son amassadas davant lo Parlament, amb la tòca de lo protegir d’una eventuala ataca de las fòrças de l'òrdre espanhòlas.
Vejats los imatges de Reuters.
Lo parlament demanda ara al govèrn de la Generalitat de n’aplicar los efièches e d'entamenar un procès constituent de la nòva republica.
Aperaquí cinc cent cònsols màgers de las comunas del país s’èran amassats al Parlament. Après la proclamacion, la consolessa de Badalona, Dolors Sabater, demandèt a eles totes se s’engatjavan a trabalhar pel nòu país, e totes respondèron que òc. “Davant l’involucion de l’estat espanhòl que mesprèsa nòstra sobeiranetat, lo mitan municipal se pòt sonque engatjar amb lo procès constituent”, çò precisèt Sabater.
Quant al president, Carles Puigdemont, afirmèt que “son las institucions e a l’encòp las personas que bastissèm ensems lo pòble e la societat”.
Rajoy assegura que “restaurarà la legalitat”
Mentretant, lo Senat espanhòl aprovèt la suspension del govèrn de la Generalitat de Catalonha, en prenent lo contraròtle de l’educacion, e en metent jos tutèla las decisions del parlament catalan. Aquela mesura s’efectua segon l’interpretacion que lo govèrn de Mariano Rajoy fa de l’article 155 de la Constitucion espanhòla.
En mai d’aquò, Rajoy a convocat un conselh dels ministres e assegurat que “restaurarà la legalitat en Catalonha”
Pasmens, lo president del Conselh d’Euròpa, Donald Tusk, a dich sus Twitter que reconeis pas l’independéncia, mas demanda al govèrn espanhòl qu’emplègue “la fòrça dels arguments e non pas los arguments de la fòrça”.
Aperaquí 15 000 personas se son amassadas davant lo Parlament, amb la tòca de lo protegir d’una eventuala ataca de las fòrças de l'òrdre espanhòlas.
Vejats los imatges de Reuters.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca, visca Catalunya Lliure! I els Països Catalans, i Occitània, tothom i el Mon sencer, fora opressors i estats presons!
Això només es el començament, Ui ara!
Visca la Terra...lliure!
L'Ernest, "El Tàrrega".
Lo Jean-Claude Juncker, president de la Comission Europenca s'es declarat contra l'independènça catalana, perque" lo perilh grand per Europa es un esbocinament en un fais d'estats pichòts". Cal rementar qu'aquelas asenadas son afortidas per un tipe que foguèt primièr ministre d'un estat-confèti fòrça fòrça mai pichòt que lo Principat de Catalonha e que se sona lo Luxemborg ! Ne'n vòls tu d'andòlfis ?
Lo president del Conselh d’Euròpa, Donald Tusk, a dich sus Twitter que reconeis pas l’independéncia ? Un mariòl politician que non reconeis la volontat d'un pòble sobeiran non es un democrata. E donc, nosautres, defensior de la tèrra, non lo reconeissèm pas.
Record que quan hi haguet los atemptat terroristas de Barcelona, los Mossos d'Esquadra, portaven uns fuselhs ametralhadors de larg alcanç e de precision milimètrica. Quan los terroristen ho saberen partiren escapats de quatres per amagar-se e foren morts .
L avem esperat. e la CUP a facha aquela independencia fin finala per totes los omes e las femnas tombadas e aucidas per la monarquia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari