Actualitats
La capitada dels independentistas flamencs dobrís tormarmai lo debat sus la confederacion de Belgica
Lo cap del partit independentista NVA ganhèt la municipalitat d’Anvèrs e demanda que Belgica siá una confederacion de dos estats
Lo sobeiranisme flamenc capitèt dimenge un grand succès a las eleccions municipalas bèlgas. Los independentistas de la Nòva Aliança Flamenca (NVA), ganhèron las eleccions a Anvèrs, segonda vila del país après Brussèlas, que pendent près d’ochanta ans aviá agut un cònsol socialista. Bart De Wever, cap de l’NVA, serà probable lo nòu borgmèstre de la vila, çò que fa evidenta la granda ascension sobeiranista d’aqueles darrièrs ans. En aprofechant la victòria, De Wever a demandat al govèrn bèlga una reforma constitucionala per instituir una confederacion de dos estats.
Lo primièr ministre bèlga, lo francòfon socialista Elio Di Rupo, n’a pas volgut parlar; s’es limitat a dire que las eleccions èran municipalas e que los resultats se podián pas extrapolar. Ça que la, la preocupacion es notabla en Valonia e a Brussèlas, coma o soslinhava plan lo jornal Le Soir amb lo sieu grand títol: “Un escrutini que fa tremolar Belgica”.
L’NVA obtenguèt una mejana de vòte de 20%-30% dins totas las vilas flamencas, e aquò fa preveire una victòria facila a las eleccions legislativas de 2014, qu’i participarà amb un programa independentista. De fach, l’NVA ganhèt ja las darrièras eleccions mas preferiguèt restar dins l’oposicion, çò qu’obliguèt de formar una coalicion de sièis partits per formar un govèrn.
En Valonia, los socialistas ganhèron tornarmai, malgrat las criticas al govèrn e las reduccions budgetàrias.
Lo primièr ministre bèlga, lo francòfon socialista Elio Di Rupo, n’a pas volgut parlar; s’es limitat a dire que las eleccions èran municipalas e que los resultats se podián pas extrapolar. Ça que la, la preocupacion es notabla en Valonia e a Brussèlas, coma o soslinhava plan lo jornal Le Soir amb lo sieu grand títol: “Un escrutini que fa tremolar Belgica”.
L’NVA obtenguèt una mejana de vòte de 20%-30% dins totas las vilas flamencas, e aquò fa preveire una victòria facila a las eleccions legislativas de 2014, qu’i participarà amb un programa independentista. De fach, l’NVA ganhèt ja las darrièras eleccions mas preferiguèt restar dins l’oposicion, çò qu’obliguèt de formar una coalicion de sièis partits per formar un govèrn.
En Valonia, los socialistas ganhèron tornarmai, malgrat las criticas al govèrn e las reduccions budgetàrias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo nacionalisme es un problèma de moment qu'es expansionista, coma lo nacionalisme francés, o espanhòl. Fins ara la N-VA a pas explicat que caliá espanholizar coma per Catalonha, o neerlandisar la Walonia ! La 'francophonie' o explica uèi per l'Africa ...
Per contra me sembla bon que los Francofònes aprenguèssen lo neerlandés de moment que son ciutadans de Brussel, aprendre es pas forçadament emplegar ! Mas es segur un esfòrç lingüistic de non pas practicar l'omertà lingüistica e daissar lo neerlandés de Brussel viu, e vivent !
Es que los Francofònes de Belgica se vòlon los Andaloses del Franquisme ? Los immigrants qu'a fait l'esfòrç d'apréner uèi lo catalan, son los primièr de demandar l'independéncia del Principat ; es que la lenga catalana pòrta a l'independentisme ? O lo neerlandés tanben ? Los locutors de neerlandés serián coma los locutors de catalans (veire declaracion del ministre espanhòl Wert sul sicut) supausadament e lingüisticament independentismes e nacionalistas d'exclusion coma las «frontières naturelles» dels Franceses an fabricat frontièras al mièg de las tèrras basca e catalana, piemontesa e savosiana, etc. ? Quora se crida l'exclusion, se cal gaitar un pauc lo monilh abans d'escriure ! Aquò fauta bravament d'etica de castigar los Neerlandofònes de Flandra aital. Qui a refusat lo bilingüisme total en 1954 pel Reialme de Belgica ? Quí ? Senon los francofònes ....
Lo nacionalisme es pas una causa sonque l'esquèrra o de dreita ; rapèl, lo concepte de dreita e d'esquèrra es estat popularizat al moment de la revolucion francesa per èstre a la dreita o a l'esquèrra del rei ; aquò es pas brica de grarantia politica de progressisme, d'èstre etiquetat d'esquèrra per èstre progressista, e lo revèrs es tanben vertat per la supausada dreita.
Se la N-VA es de dreita l'es benlèu per son programa economic ? Alara gaitèm se la N-VA a coma escòla economia aquela de Chicago, aquela famosa qu'es estada lo modèl per Pinochet...
Jean-Pierre Chèvement o Jean-Luc Mélenchon son supausats èstre d'esquèrra, mas las idèas contra l'expression nacionala còrsa son puslèu del reng dels extremismes falangistas, puslèu que de las democracias. L'extremisme falangista es aquesta majoritat del congrès espanhòl que del PSOE-PSC-PP e UDyP vòta contra l'expression d'una votacion referendària ; aquí son pas ni castigat, ni primat per l'Union Europèa, l'amertà es tanben clara.
Considerar qu'una revòlta es borgesa (Principat de Catalonha), e non ne far cas es qu'es una resulta d'èstre d'esquèrra e alterrmondialista (Libertat) ? Me sembla important d'èstre franc, l'occitanisme es pas al nivèl politic que cal, o que Catalans e Catalans nos fan lo camin, anuèch en 2012 !
#1 La Nieuw-Vlaamse Alliantie NVA (Nòva aligança flamenca) es qualificada d'extremista de drecha. Es facil de remandar sempre lo monde dins aquela casa, coma fan los mèdias centrals. L'NVA fai part de l'European Free Alliance EFA (Aligança Liura Europèa) al nivèl europèu, aligança de partits progressistas de nacions sensa estats per una Euròpa dals pòples. Per exemple, dins EFA i es arei lo Partit Occitan. M'estona que lo monde siá mal informat.
#1 Compreni pas plan vòstre comentari. Volètz dire que le nacionalisme es bon a condicion que siá d'esquèrra ? Avant 2009, ieu èri d'esquèrra e pensi qu'o soi totjorn. Avant de votar per l'N-VA pel primièr còp en 2009, consultèri lor programa (vos conselhi de far parièr, i a una version en francés sus lor site) e i veguèri res que me semble inacceptable o sens rason.
Dempuèi las eleccions federalas de 2010, los partits francofòns e los partits flamencs tradicionals (perdents) ensajan de far creire als electors flamencs e al mond entièr que l'N-VA es un partit sens principis, populista e mai faicista, perque trapan qu'aquel partit es un intrús dins lor òrdre politic. La vertat es que l'N-VA considera que las ideologias existentas son depassadas dins tota lor unilateralitat. Lo partit vòl realisar çò que cal per la societat d'uèi e pas çò que foguèt escrich pels teoricians del sègle XIX. Vòl poder jutjar sens dever tener compte dels interèsses dels sindicats o de la glèisa. Çò qu'es unic per l'N-VA es son equilibri entre libertat e egalitat. Los partits belgas liberals botan l'accent sus la libertat individuala e los partits socialistas e vèrds sus l'egalitat. L'N-VA pensa que los dos principis son equivalents. Vòl la democratisacion del país e la responsabilisacion per tots. S'inquieta del valat entre la politica e los ciutadans e cèrca de solucions. Compren l'interès de l'Euròpa e es prèst a ajudar a la construccion d'una union de las regions e non pas dels estats-nacions.
#1 Dins l'NVA tanben i a una tendéncia centrista importanta. Es inexacte de dire qu'es un partit dur de drecha.
#1 Dins l'NVA tanben i a una tendéncia centrista importanta. Es inexacte de dire qu'es un partit dur de drecha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari