Actualitats
Lo Conselh General d’Aran analisa la situacion politica actuala
La comission d’afars institucionals avalora l’aplicacion de l’article 155 per l’estat espanhòl que blòca la mesa en òbra de la Lei d’Aran
La comission d’afars institucionals del Conselh General d’Aran, compausada de pòrtavoses dels tres grops politics representats, faguèt ièr una reünion extraordinària per avalorar la situacion politica actuala.
D’un costat, los representants araneses planguèron la “situacion de conflicte politic e sociau”, mai que mai las encarceracions, las persecucions judiciàrias e la destitucion dels membres del govèrn de la Generalitat.
Lo Conselh General d’Aran grandmercegèt lo Parlament de Catalonha d’aver mes en marcha la Lei de regim especial d’Aran, del 5 de febrièr de 2015. Aquela lei definís Aran coma una “realitat nacionau occitana” e reconeis son drech a l’autodeterminacion. Mas las mesuras aplicadas per l’estat espanhòl daissan per ara Aran sens cap d’interlocutor per aplicar aquela lei, çò que los conselhièrs an plangut, e ansin an presa la decision d’esperar la constitucion d’un nòu govèrn de la Generalitat, eissit de l’eleccion convocada per l’estat lo 21 de decembre, per contunhar la negociacion.
En cas que reüssisca la Republica Catalana, Aran aurà la causida de son avenir. E mai, los membres del Conselh General d’Aran an decidit d’èsser atentius a “ua possibla reforma dera Constitucion espanhòla, coma era oportunitat clau entà arténher un nau reconeishement constitucionau dera singularitat dera Val d'Aran”.
D’un costat, los representants araneses planguèron la “situacion de conflicte politic e sociau”, mai que mai las encarceracions, las persecucions judiciàrias e la destitucion dels membres del govèrn de la Generalitat.
Lo Conselh General d’Aran grandmercegèt lo Parlament de Catalonha d’aver mes en marcha la Lei de regim especial d’Aran, del 5 de febrièr de 2015. Aquela lei definís Aran coma una “realitat nacionau occitana” e reconeis son drech a l’autodeterminacion. Mas las mesuras aplicadas per l’estat espanhòl daissan per ara Aran sens cap d’interlocutor per aplicar aquela lei, çò que los conselhièrs an plangut, e ansin an presa la decision d’esperar la constitucion d’un nòu govèrn de la Generalitat, eissit de l’eleccion convocada per l’estat lo 21 de decembre, per contunhar la negociacion.
En cas que reüssisca la Republica Catalana, Aran aurà la causida de son avenir. E mai, los membres del Conselh General d’Aran an decidit d’èsser atentius a “ua possibla reforma dera Constitucion espanhòla, coma era oportunitat clau entà arténher un nau reconeishement constitucionau dera singularitat dera Val d'Aran”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquèla còla de montanhòls occitanistas son una font de bordel en Commenge e Coseran, que tot le monde i van passar cada dimenjada en familha, e ne prenen de grana. Aquò mancarà pas de devalar Garòna dinc a Tolosa. Garòna pren font en Aran al Güelh de Joèu (l'uèlh de Jupitèr), " que denòta mau!"
En mai, la Delgà a esperlongat la linha de bus francesa dinc Aran, per facilitar les escambis...
Afar de seguir...
#4 Mon bon Roquèta s'as l'adrèiça d'aquesta télé fai-me la passar, que dèu èsser aisit de los faire venir per chucar lo tasson, vertat ?
#3 Où, segur, mas aqui son filmats per la telé, mon polit !
Tres pelats e un tondut que charran dins un palhièr montanhòl del devenir del mond. Cresètz pas que quichatz un pauc colègas ? Que de cafetons coma aquò ont se torna fai lo mond n'ia tant que n'i a de vilatjons sus tèrra !
Tres pelats e un tondut que charran dins un palhièr montanhòl del devenir del mond. Cresètz pas que quichatz un pauc colègas ? Que de cafetons coma aquò ont se torna fai lo mond n'ia tant que n'i a de vilatjons sus tèrra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari