Actualitats
La Republica Catalana a començat son primièr diluns amb dificultats
L’estat espanhòl perseguís e menaça l’executiu e lo Parlament. Puigdemont se tròba en Belgica
Divendres passat, se proclamèt la Republica Catalana, un nòu estat que conten lo principat de Catalonha e la Val d’Aran. A l’encòp, lo govèrn espanhòl ne destituiguèt lo president, Carles Puigdemont, ansin coma lo govèrn de la Generalitat, dissolguèt lo Parlament de Catalonha, e convoquèt d’eleccions regionalas pel 21 de decembre que ven. Lo ministèri public a acusat per “sedicion” e “rebellion” Puigdemont e tot son govèrn, la presidenta del Parlament, Carme Forcadell, e los membres de son burèu. Riscan una pena de fins a 30 ans de preson.
Mentretant, ièr diluns, solament dos conselhièrs de la Generalitat anèron al trabalh, lo vicepresident e titular de l’economia, Oriol Junqueras, e lo conselhièr del territòri e de la sostenibilitat, Josep Rull. Riscan d’èsser secutats per “usurpacion de foncions”, segon lo ministre espanhòl de l’Interior.
En mai d’aquò, Junqueras fa sa vida vidanta amb normalitat, e diguèr ièr de ser dins una entrevista a la television que “qui decidís en democracia son los resultats electorals, e per tant soi pas destituit!”, planguèt las menaças de preson e la persecucion de l’estat espanhòl mas se mostrèt convencut de la reüssida de la Republica Catalana.
Tanben lo director de l’Agéncia Catalana del Patrimòni Cultural, Jusèp Boya, anèt trabalhar amb normalitat. Malgrat lo risc d’èsser arrestat, l’occitanista aranés Jusèp Boya se i gandiguèt sens paur e amb determinacion, çò publiquèt sus son compte de Facebook.
Puigdemont en Belgica
Quant a el, Carles Puigdemont se tròba en Belgica acompanhat d’una partida de membres de son govèrn “dins un encastre segur e discret”.
Puigdemont i seriá anat explicar a d’autoritats europèas la situacion e l’abús de poder del Reialme d’Espanha, del temps que segon qualques fonts i seriá anat per demandar l’asil politic. Belgica es un dels pauques estats de l'Union Europèa qu'accèpten la demanda d' asil de ciutadans europèus.
De tot biais, ara l’afar es ben internacionalizat. Lo quite Puigdemont farà uèi, a 12h30, una compareissença als mèdias per detalhar la situacion.
Mentretant, ièr diluns, solament dos conselhièrs de la Generalitat anèron al trabalh, lo vicepresident e titular de l’economia, Oriol Junqueras, e lo conselhièr del territòri e de la sostenibilitat, Josep Rull. Riscan d’èsser secutats per “usurpacion de foncions”, segon lo ministre espanhòl de l’Interior.
En mai d’aquò, Junqueras fa sa vida vidanta amb normalitat, e diguèr ièr de ser dins una entrevista a la television que “qui decidís en democracia son los resultats electorals, e per tant soi pas destituit!”, planguèt las menaças de preson e la persecucion de l’estat espanhòl mas se mostrèt convencut de la reüssida de la Republica Catalana.
Tanben lo director de l’Agéncia Catalana del Patrimòni Cultural, Jusèp Boya, anèt trabalhar amb normalitat. Malgrat lo risc d’èsser arrestat, l’occitanista aranés Jusèp Boya se i gandiguèt sens paur e amb determinacion, çò publiquèt sus son compte de Facebook.
Puigdemont en Belgica
Quant a el, Carles Puigdemont se tròba en Belgica acompanhat d’una partida de membres de son govèrn “dins un encastre segur e discret”.
Puigdemont i seriá anat explicar a d’autoritats europèas la situacion e l’abús de poder del Reialme d’Espanha, del temps que segon qualques fonts i seriá anat per demandar l’asil politic. Belgica es un dels pauques estats de l'Union Europèa qu'accèpten la demanda d' asil de ciutadans europèus.
De tot biais, ara l’afar es ben internacionalizat. Lo quite Puigdemont farà uèi, a 12h30, una compareissença als mèdias per detalhar la situacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A la Republica de Catalana las forças d'ocupacion poden pas per lei far registres per ordre de jutges, e a Madrid s'hi ha d'anar pas per ara.
#15#20 Aquesta colèra rabiosa e vana contra l'actual president del gobèrn de Catalonha que Madrid ensaja d'escanar es tras que sorprenènta venent de València, un païs catalan. I-auria pas un chic de gelosia jos aquò ? Enfin, aürosament que tot lo Païs Valencian es pas clafit d'acarnassits que coma l'amic Fritz, perdon, l'amic Carles ( Charles ?) legissan religiosament "Le Figaro" !!!
#19
per favor, tin trellat i no digues burrades:
"un parlament catalan democraticament elegit o sus la legitimitat de Madrid a negar la volontat del pòble catalan"
si vols sabre la traducció de "trellat" buscau en lo diccionari valencià-castellà
#18 Si, tan coma tu ausissi e vesi pas qu'aquò dempuèi mai d'un mes. Mas constati qu'aquesta unanimitat a faire passar Puigdemont e son parlament per una banda d'arlèris irresponsables comènça a se fendasclar en Europa, e que timidòtament n'ia que dison "mas aprèp tot, benlèu que son pas tan fantasieroses qu'aquò". Disi pas qu'es una majoritat, ni tanpauc que i-a agut un revirament de las opinions publicas europencas, mas aquelas reflexions al rebors de l'Europa oficiala, sus la legalitat vertadièra de faire plegar un parlament catalan democraticament elegit o sus la legitimitat de Madrid a negar la volontat del pòble catalan " qu'aprèp tot existis", èron encara non existentas fa quauquas setmanas.
#13
"començam d'ausir un pauc pertot en Europa e tanben en França de comentaris sus Catalonha de mens en mens ironics e una debuta de presa en consideracion del fach catalan"
E vòs arríder ?
N'as pas entenut tots los comentaris deus medias franchimands despuish diluns matin que presentan Puigdemont com un pèc de tria, que critican ubertament la soa estrategia, que presentan lo son discórs de ger com « confús » per'mor d'estar estat hèit en tres lengas (aaahh, la monomania linguistica de las elitas francesas!) ? N'as pas vist las emissions de tele d'analisi geopolitica on son convidats sonque opausants a l'independencia o « experts » vienguts entad exprimir lo punt de vista jacobinista franchimand ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari