Actualitats
Las participantas de Miss Peró estonan lo Mond en denonciar la violéncia masclista
Las joventas que concorrián an presentat caduna plusors donadas de feminicidis en plaça de lors mesuraments
Lo concors de Miss Peró 2018, que se tenguèt dimenge passat, visquèt un moment istoric. Las 23 joves participantas s’èran totas acordadas a dire pas publicament lors mesuraments, mas a denonciar los cases de violéncia masclista e los feminicidis que los patisson lo país e lo Mond entièr.
“Mos mesuraments son: 2202 cases de feminicidis raportats dins los darrièrs nòu ans dins mon país” çò assolidèt una de las participantas. “Mos mesuraments son: mai de 300 femnas dins mon departament son agarridas fisicament e psicologica”, çò afirmèt una autra. “Mos mesuraments son: l’81% dels assalhidors de las dròllas de mens de cinc ans son pròches de la familha”, çò apondèt una autra. E atal faguèron las 23 participantas. Avián totas decidit de cambiar las chifras que descrivon las mesuras de lor còrs per las chifras de victimas de la violéncia masclista en Peró.
“Mos mesuraments son: 2202 cases de feminicidis raportats dins los darrièrs nòu ans dins mon país” çò assolidèt una de las participantas. “Mos mesuraments son: mai de 300 femnas dins mon departament son agarridas fisicament e psicologica”, çò afirmèt una autra. “Mos mesuraments son: l’81% dels assalhidors de las dròllas de mens de cinc ans son pròches de la familha”, çò apondèt una autra. E atal faguèron las 23 participantas. Avián totas decidit de cambiar las chifras que descrivon las mesuras de lor còrs per las chifras de victimas de la violéncia masclista en Peró.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 As rason, l'òme es una provocacion fashionable , l'espital que se trufa de la caritat, se vòls, mas o cal pas dire, passarias per un missantàs misogina ! Où, Jacques Dutronc, rei dels dragaires, desvelha-te que son venguts baugs !
D'aquí l'expression: aquò passa l'òsca...
Òsca lei filhas ! Coratjosas ! Subretot dins una manifestacion completament connotada sexualament. Sincèras o manipuladas per faire lo buzz ? En tot cas an parlat e es ben.
Me demandi, totun, se d'organizar atal passa carrièra de femnas son que joves e son que sexualament desirablas, coma se res mai non poguès suscitar l'admiracion d'unas femnas, aquò s'opausa pro seriosament a tota mena de masclisme ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari