Nascut en 1905 a Tarnac (Montanha Lemosina), aprenguet fòrça ers de musica (contradanças, masurcas, pòlcas, ...) au contacte daus autres musicians rotiniers de l'epòca: los violonaires lo Negron, Rata, Concalon e Nard coma lo famós Marceau acordeonista de Sent Merd. Pertant, son repertòri de borreias demoret fòrça locau. Son biais de musicar era lo de la Montanha Lemosina: vigorós e rapid. Vers 1930 se plantet de musicar regularament a las nòças e a las festas per zo far mai episodicament chas se. En 1974 rescontret los jòunes dau movement revivalista folk e lor transmetet sa musica a dançar.

 

A 15h30 los "Violons de Nedde" li rendràn omenatge en jugar sas melodias. Una corta sequéncia video permetrà de lo veire e de l'auvir. Davant lo concert, a 12h30, la Maison de País perpausa un repas tipicament lemosin. Per far gardar una plaça per lo repas, fau 'pelar lo 05.55.00.01.30 o enviar un messatge a maison-de-pais87@orange.fr. Lo pretz dau repas mai de l'espectacle es de 25€ (10 € per l'espectacle sol).


Maime Caillon