Actualitats
Montalban: conferéncia sus Camins de guèrra de Juli Cubainas
Lo 6 de noveme que ven dens l’encastre deu festenal Vendémias
Dens l’encastre deu festenal Vendémias d’Òc, Montalban que perpausa lo 6 de noveme a 18 òras, ua conferéncia sus l’obratge Camins de guèrra de Juli Cubainas. Neishut a Sant Ilari de l’Albenca (Causse de Limonha) en 1894 e mòrt a Concòts (Òlt), Juli Cubainas (oficiaument Jules Cubaynes) qu’ei espiat a còps com un trobador deus darrèrs.
1914 qu’ei ua annada de las magèrs entà eth. Que legí dens l’Almanac Carcinòl, publicat a Montalban per lo regent Antonin Perbòsc, poèmas e pròsas en “patés” lengadocian. E tanben, que legí vèrs de Frederic Mistral dens un jornal parisenc –pr’amor 1914 qu’ei l’annada de la mòrt deu poèta provençau–. Alavetz que compren çò qu'ei lo parlar mairau e pòt díser l’esplendor deu vertadèr. Sòci de l’Acadèmia dels Jòcs Florals e majorau deu Felibritge qu’escriverà un vintenat de libes en occitan.
Solide 1914 qu’ei l’annada de la guèrra. Qu’a vint ans. Qu’ei mobilizat. Ua experiéncia òrra qu’u lhèva un problèma de consciéncia. Sens pèrder la fe, que’s tròba mau e, en tornar a casa en 1919, que deisharà lo seminari. Mes que serà totun curat, mei tard. Dens lo son libe, Camins de guèrra, Juli Cubainas que conta la soa experiéncia e los sons soviers d’aquesta prumèra guèrra mondiau.
La conferéncia que’s tien 2 Carrèra deu Collègi a Montalban de 18 a 20 òras.
Anne-Pierre Darrées
1914 qu’ei ua annada de las magèrs entà eth. Que legí dens l’Almanac Carcinòl, publicat a Montalban per lo regent Antonin Perbòsc, poèmas e pròsas en “patés” lengadocian. E tanben, que legí vèrs de Frederic Mistral dens un jornal parisenc –pr’amor 1914 qu’ei l’annada de la mòrt deu poèta provençau–. Alavetz que compren çò qu'ei lo parlar mairau e pòt díser l’esplendor deu vertadèr. Sòci de l’Acadèmia dels Jòcs Florals e majorau deu Felibritge qu’escriverà un vintenat de libes en occitan.
Solide 1914 qu’ei l’annada de la guèrra. Qu’a vint ans. Qu’ei mobilizat. Ua experiéncia òrra qu’u lhèva un problèma de consciéncia. Sens pèrder la fe, que’s tròba mau e, en tornar a casa en 1919, que deisharà lo seminari. Mes que serà totun curat, mei tard. Dens lo son libe, Camins de guèrra, Juli Cubainas que conta la soa experiéncia e los sons soviers d’aquesta prumèra guèrra mondiau.
La conferéncia que’s tien 2 Carrèra deu Collègi a Montalban de 18 a 20 òras.
Anne-Pierre Darrées
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari