Actualitats
Lo departament de la Nauta Garona s’engatja per l’occitan
Lo conselh departamental a presentat sa politica per promòure, valorizar e reviscolar la lenga del país
Se presentèt lo 26 d’octòbre passat lo plan departamental per valorizar la lenga e la cultura occitanas qu’a aviat lo conselh departamental de la Nauta Garona. Lo president, Georges Méric, e lo conselhièr encargat de la promocion de l’occitan, Bernard Bagnéris, expausèron a las associacions la politica departamentala per reviscolar la lenga nòstra, que serà desvolopada sus tres aisses:
Dins aquel sens, Méric defendèt que “la lenga e la cultura occitanas son de compausantas de nòstre patrimòni local, que nos ven de defendre e de valorizar”, e soslinhèt que cal “assegurar la perennitat” de la lenga car “la civilizacion occitana s’es fargada a l’entorn de las valors de libertat, de tolerància e de respècte; de valors fondamentalas per viure ensems”.
Lo Conselh departamental de la Nauta Garona consagrèt l’an passat 215 000 èuros a la promocion de l’occitan. Ongan, durant la session del 17 d’octòbre passat, los elegits departamentals votèron en favor d’un estatut legislatiu de reconeissença e de promocion de las lengas dichas regionalas.
— Refortir la transmission de la lenga, en signant una convencion amb l’Educacion dicha Nacionala e tanben en menant d’accions de sensibilizacion al public.
— Permetre la reconeissença de l’occitan dins l’espaci public, mai que mai amb lo desvolopament d’una senhalizacion bilingua.
— Assegurar la valorizacion de la cultura que la lenga veïcula, en sostenent las associacions d’una part, e en aviant d’accions departamentalas.
— Permetre la reconeissença de l’occitan dins l’espaci public, mai que mai amb lo desvolopament d’una senhalizacion bilingua.
— Assegurar la valorizacion de la cultura que la lenga veïcula, en sostenent las associacions d’una part, e en aviant d’accions departamentalas.
Dins aquel sens, Méric defendèt que “la lenga e la cultura occitanas son de compausantas de nòstre patrimòni local, que nos ven de defendre e de valorizar”, e soslinhèt que cal “assegurar la perennitat” de la lenga car “la civilizacion occitana s’es fargada a l’entorn de las valors de libertat, de tolerància e de respècte; de valors fondamentalas per viure ensems”.
Lo Conselh departamental de la Nauta Garona consagrèt l’an passat 215 000 èuros a la promocion de l’occitan. Ongan, durant la session del 17 d’octòbre passat, los elegits departamentals votèron en favor d’un estatut legislatiu de reconeissença e de promocion de las lengas dichas regionalas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Senhaletica
Ai pas d'avís trencat. A vist a Perpinhan una sinhaletica catalana importanta, mesme a la FNAC.
La vesibilitat es una preséncia qui interpella d'un biais o d'un autre.
Cal diferenciar noms de lòc comuns e toponims.
- les premièrs, se son quasi-parièrs al francés, son redondants
- Les toponims revirats: barris Sant Jaume, Sant Vicens... Aquò es educatiu
- Les toponims retranscriches...
L'ausibilitat interpella tanben.
L'autre còp dins le mètro de Tolosa, i aviá una còla de collegians que repetavan cada anóncia en occitan, en tot petar de ríser...
Aquò's subliminal coma la pub
#6#7 Personalament, siái oblijat de convenir que "Jg" a rason.
Jornalet, vía Los amics de Jornalet, se deu posicionar coma interlocutor (natiu!) del CD, en tant qu' associacion d'usatgièrs de la premsa web e de la comunicacion en general.
E que vam hèr sinhaletica !!!! Supèr !!! Que vam hèr ua sinhaletica en occitan quan n'i a cap mès arrés qu eparla aquera pu** de lenga e encara mens de monde entà poder legir eth mnèu correctament. Mes aquo, a vista de nas, que se'n fotem.
Jo que demori encargats de mission que gausen aueitar eras causas coma son e pas segon ua ideologia o un petit confort intelectuau...
Que soi desolat mes qué ditz eth arresponsable senon banalitats coma "la lenga que hè partida deth noste patrimoni blablabla"... Que cau transméter era lenga mes quin ? Comprenem que vou diser "cau hèr mès d'escolas bilingüas o de Calandretas" mes aquo qu'ei ua transmission indirecta. Era vertadèra transmission qu'ei era familhau. E entada aquera, quin hèn ?
Qué hèm dab eths locutors deth occitan, cet a diser eths locutors naturaus ? ço qu'ei era politica deth cg sus aquo, deth cr, deth ieo, etc ? Nada politica pr'amor que demoram completament embarrats en conarias de menetas coma "l'occitan c'est important, l'occitan c'est bien et c'est joli, blablabla...".
Tant que n'i aurà pas politicas linguisticas inovantas , era lenga que contunharà de crebar dinc a que sia, enfin, ua lenga de saberuts, de professionaus, ua lenga comautària...
(perdon peths accents, ne'us èi pas aci...)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari