Actualitats
La justícia bèlga daissa en libertat sens caucion Puigdemont e los conselhièrs que l’acompanhan
Ara estúdia l’afar e deurà determinar s’es justificada l’extradicion que la demanda Espanha, ont la rèsta del govèrn catalan elegit e los presidents de las associacions independentistas son en preson en nom de mesuras antiterroristas
Del temps que la rèsta del govèrn catalan, e los dos presidents de las associacions independentistas, son embarrats dins divèrsas presons a l’entorn de Madrid en nom de mesuras antiterroristas e amb las acusacions de sedicion e de rebellion, Puigdemont e los quatre ministres exiliats pòdon circular liurament dins l’estat bèlga e se deuràn presentar tornarmai davant lo jutge lo 17 de novembre que ven. Mentretant, la justícia d’aquel país estúdia l’afar e deurà determinar s’es justificada l’extradicion que la demanda Espanha.
Segon Paul Bekaert, l’avocat flamenc en dreches umans que defend lo president Puigdemont, se portarà un recors contra tota demanda d’extradicion car las penas de preson que la demanda la justícia espanhòla son desproporcionadas e los elegits catalans riscan de patir un tractament inuman e degradant en cas que sián encarcerats dins l’estat espanhòl.
L’endeman, Puigdemont mandèt un messatge de solidaritat sus Twitter als “companhs injustament enpresonats per un estat alonhat de la practica democratica”.
En llibertat i sense fiança. El nostre pensament és per als companys injustament empresonats per un Estat allunyat d la pràctica democràtica
— Carles Puigdemont (@KRLS) 6 de novembre de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7
la llengua valenciana (a catalunya li s'anomena catalana) cf. DNV AVL)
de totes maneres el problema no va de llengua, parlem "la mateixa llengua" els valencians, els mallorquins, els catalans i els occitans ...
el problema és territorial, democràtic, de lleis i respecte a la constitució d'un poble o estat. Cal una forta autonomía que conserve i desenrolle els valors autòctons de catalunya, del pais valencià, de galicia, del pais vasc, de castella i andalusia, molt bé, LA GRAN RIQUEA D'ESPANYA ÉS LA DIVERSITAT, dins un mateix estat i territori. lo altre són deliris, al meu poble li se diu desgavells o destarifos, ho entens?
#5 L'idiot ignorant saluda ton èime esbelit qu'o entend tot a l'art delicat de la metafòra e de la parabòla. Soi per contra mai a mon aise per entendre çò qu'escrives dins ton catalan qu'apèlas de valencian (de l'occitan estant, non vesi cap diferéncia entre un e l'autre…) e mai siá per me qualificar d'idiot.
Los diners que Rajoi deisset als bancs privats e que s'han perdut, es dire no s'han tornat, representen 14 vegades lo pressupost d'una comunitat coma la de las Illas Balears per l'an 2018 qu' es de 5.000 milions d'euros.
Açò es un gran raubatori e un gran delicte pel qual ha d'esser jutjat e empresonat. Mas far un referendum es una acció política reconeguda per l'ONU e Espanha ha signat diferents acords internacionals reconeissent los referendums d'autodeterminacion, e aplicar los resultats es democracia.
#4
tu entens lo que vols mante ... jo sempre m'expresse en llengua valenciana, ara bé si pose una noticia d'un diari la puc posar en francés, en italiá, o en castellà. per cert les persones cultes parlen sovint moltes llengües, dir que no entens la llengua de l'imperio (serà el castellà? ) doncs, fa de tu un "idiot" un ignorant.
#3 Seriás plan cortés de t'exrpimir en catalan o en occitan per ta far entendre. Subre Jornalet, non entemdèm res a las lengas imperialistas…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari