Actualitats
De nòvas pròvas que pòdon cambiar la teoria de l’evolucion
Son estadas descobèrtas de pesadas de mai d’un milion d’ans abans Ardipithecus, e mòstran un pè plan semblable al qu’avèm uèi
Sus la plaja de Trachilos, en Creta, son estadas descobèrtas de pesadas polemicas. Son estadas descrichas dins la revista numerica scientifica Proceedings of the Geologists, mas balharàn a la comunautat scientifica una discussion de las grandas. Los cercaires que las an estudiadas dison qu’an mai de 5,6 milions d’ans e que foguèron fachas per d’ominins.
Mai ancianas encara son – encara oficialament– las pròvas que demòstran qu’Ardipithecusramidus demorèt en Etiopia fa 4,4 milions d’ans. Es lo fossil d’un ominin mai ancian jamai trobat fins a uèi lo jorn. E totun, las pesadas trobadas ara en Creta encara son d’1,2 milion d’ans mai ancianas. Cossí es possible?
Un ancessor uman desconegut
Las pesadas trobadas ara mòstran un pè plan semblable al qu’avèm uèi. E los paleoantropològs qu’an descrich Ardipithecus an totjorn afirmat que foguèt l’ancessor dirècte mai ancian dels ominins que i aguèt en Africa puèi. Mas tanben confirman qu’un pè coma lo qu’avèm uèi encara s’èra pas desvolopat.
“Çò que fa venir plan polemica aquesta descobèrta son l’edat e lo luòc de las pesadas —çò diguèt un dels autors de l’estudi, Erik Ahlberg, de l’Universitat d’Uppsala–. Foguèron fachas a l’epòca que demoravan Sahelanthropus e Orrorin, çò es mai d’un milion d’ans abans Ardipithecus, qu’encara aviá un pè de monard”.
Per ansin, la nòva ipotesi es totalament contrària a la conclusion qu’Ardipithecus foguèt un ancessor dirècte dels ominins que venguèron puèi. E fins ara totes los fossils trobats d’ominins amb mai d’1,8 milion d’ans (l’edat d’HomoGeorgicus) son totjorn estats trobats en Africa. Per tant la majoritat dels cercaires dison que nòstra espècia evolucionèt en Africa.
Malgrat aquò, las pesadas de Trachilos son estadas analisadas amb de foraminifèrs e tanben l’estudi dels depauses del luòc. E las ròcas sedimentàrias trobadas a lor torn an una edat de 5,6 milions d’ans. De mai, ongan meteis, una autra còla de cercaires confirmèt que los òsses d’un primat trobat en Grècia e Bulgaria èran los d’un ominin –pas d’un primat – que demorèt fa 7,2 milions d’ans. Es estat apelat Graecopithecus freybergi.
“A l’epòca lo desèrt del Sahara existissiá pas. I aviá un environament de savana del nòrd d’Africa estant fins a la Mediterranèa e mai luènh encara –çò diguèron los cercaires qu’an estudiat las pesadas de Trachilos–. Aital seriá pas malaisit de veire d’ancians ominins que viatjavan per l’Euròpa del Sud-Èst e Africa e que laissèron de rèstas de lor pas dins çò que puèi seriá Creta”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion.Podètz legir l'article entièr aicí.
Mai ancianas encara son – encara oficialament– las pròvas que demòstran qu’Ardipithecusramidus demorèt en Etiopia fa 4,4 milions d’ans. Es lo fossil d’un ominin mai ancian jamai trobat fins a uèi lo jorn. E totun, las pesadas trobadas ara en Creta encara son d’1,2 milion d’ans mai ancianas. Cossí es possible?
Un ancessor uman desconegut
Las pesadas trobadas ara mòstran un pè plan semblable al qu’avèm uèi. E los paleoantropològs qu’an descrich Ardipithecus an totjorn afirmat que foguèt l’ancessor dirècte mai ancian dels ominins que i aguèt en Africa puèi. Mas tanben confirman qu’un pè coma lo qu’avèm uèi encara s’èra pas desvolopat.
“Çò que fa venir plan polemica aquesta descobèrta son l’edat e lo luòc de las pesadas —çò diguèt un dels autors de l’estudi, Erik Ahlberg, de l’Universitat d’Uppsala–. Foguèron fachas a l’epòca que demoravan Sahelanthropus e Orrorin, çò es mai d’un milion d’ans abans Ardipithecus, qu’encara aviá un pè de monard”.
Per ansin, la nòva ipotesi es totalament contrària a la conclusion qu’Ardipithecus foguèt un ancessor dirècte dels ominins que venguèron puèi. E fins ara totes los fossils trobats d’ominins amb mai d’1,8 milion d’ans (l’edat d’HomoGeorgicus) son totjorn estats trobats en Africa. Per tant la majoritat dels cercaires dison que nòstra espècia evolucionèt en Africa.
Malgrat aquò, las pesadas de Trachilos son estadas analisadas amb de foraminifèrs e tanben l’estudi dels depauses del luòc. E las ròcas sedimentàrias trobadas a lor torn an una edat de 5,6 milions d’ans. De mai, ongan meteis, una autra còla de cercaires confirmèt que los òsses d’un primat trobat en Grècia e Bulgaria èran los d’un ominin –pas d’un primat – que demorèt fa 7,2 milions d’ans. Es estat apelat Graecopithecus freybergi.
“A l’epòca lo desèrt del Sahara existissiá pas. I aviá un environament de savana del nòrd d’Africa estant fins a la Mediterranèa e mai luènh encara –çò diguèron los cercaires qu’an estudiat las pesadas de Trachilos–. Aital seriá pas malaisit de veire d’ancians ominins que viatjavan per l’Euròpa del Sud-Èst e Africa e que laissèron de rèstas de lor pas dins çò que puèi seriá Creta”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion.Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal enviar lo comisari Darnauguilhèm examinar las pesadas e los indicis. Segur qu'après romiar una estona e amb un pauc de sòrt nos balha lo nom e l'atge de l'individú.
"los òsses d’un primat trobat en Grècia e Bulgaria èran los d’un ominin – pas d’un primat…"
Totes los primats son pas d'ominins, mas totes los ominins son de primats.
Super-regne Eukaryota
Regne Animalia
Fílum Chordata
Classe Mammalia
Ordre Primates
Família Hominidae
Subfamília Homininae
Gènere Homo
Fòrça interessant! Encara i ha molt per descobrir sus los nòstres ancessors!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari