Actualitats
Quand Mans de Breish passa per la Nòva Orleans
“Aqueste album es un còp de berreta als milions d’africans deportats coma esclaus [...] e un salut al mond de Loïsiana que sa lenga francesa foguèt tan mepresada e combatuda que l’occitan en çò nòstre”
Alan Roch
Mans de Breish sortís un CD novèl: Ont se’n va. Son originalitat ven de sa causida, amb sos complicis musicians (e en particular son arrengaire Didièr Pascal) , de s’apiejar sus la musica jazz de la Nòva Orleans (revista de còps per l’engenh de Django Reinhardt).
Explica sa causida atal: “Aqueste album es un còp de berreta als milions d’africans deportats coma esclaus per bastir l’America blanca e enriquir los pòrts europèus de la Mar Granda. Es tanben un salut al mond de Loïsiana que sa lenga francesa foguèt tan mespresada e combatuda que l’occitan en çò nòstre. Malgrat aquel malaür grandaràs, aqueles pòbles creèron una musica que, coma l’aucèl, sap res de las frontièras e a conquistat la planeta: lo jazz”.
Mans de Breish s’es inspirat de las versions originalas per pegar de tèxtes occitans de meteis sentit: s’inspira d’un cant yiddish (“Bei mir Bist du Dschoen”), “Yes sir, that’s my baby” ven “Las Patanas”, canta las meteissas lagremas que Django Reinhardt e Stéphanen Grapelli, balha sa version de “La mar” del mèstre Trenet e lo Dimars Gras de la Nòva Orleans se transforma en una celebracion novèla de las fèstas de Lauquet. Lo CD compren atal nòu cançons qu’an caduna sa personalitat e son sens, de musica coma de paraulas.
Alara, crompatz lo CD, supèrbament enregistrat dins los estúdios d’Ives Sant-German, en Montanha negra. Cal saludar la recèrca permanenta de camins novèls pel cantaire audenc e, sustot, veire e escotar aquelas cançons sus scèna ont prenon tot lor ample. Una escasença de descobrir Mans de Breish al cornet de piston sus qualques tròces…
Contacte: mansdebreish(a)orange.fr
Alan Roch
Explica sa causida atal: “Aqueste album es un còp de berreta als milions d’africans deportats coma esclaus per bastir l’America blanca e enriquir los pòrts europèus de la Mar Granda. Es tanben un salut al mond de Loïsiana que sa lenga francesa foguèt tan mespresada e combatuda que l’occitan en çò nòstre. Malgrat aquel malaür grandaràs, aqueles pòbles creèron una musica que, coma l’aucèl, sap res de las frontièras e a conquistat la planeta: lo jazz”.
Mans de Breish s’es inspirat de las versions originalas per pegar de tèxtes occitans de meteis sentit: s’inspira d’un cant yiddish (“Bei mir Bist du Dschoen”), “Yes sir, that’s my baby” ven “Las Patanas”, canta las meteissas lagremas que Django Reinhardt e Stéphanen Grapelli, balha sa version de “La mar” del mèstre Trenet e lo Dimars Gras de la Nòva Orleans se transforma en una celebracion novèla de las fèstas de Lauquet. Lo CD compren atal nòu cançons qu’an caduna sa personalitat e son sens, de musica coma de paraulas.
Alara, crompatz lo CD, supèrbament enregistrat dins los estúdios d’Ives Sant-German, en Montanha negra. Cal saludar la recèrca permanenta de camins novèls pel cantaire audenc e, sustot, veire e escotar aquelas cançons sus scèna ont prenon tot lor ample. Una escasença de descobrir Mans de Breish al cornet de piston sus qualques tròces…
Contacte: mansdebreish(a)orange.fr
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mas lo ponh se brandis
lo crit s'espandís.
Volem viure al País !
Volem viure al País !
Un gran cantaire amb una potenta e polida votz. Potser junt amb Martí, Maurís, Martina de Peira e qualcuna mai, los melhors.
Vist en veirina lo CD me fasiá pas brica enveja. Marketing ... marketing ...
Mas l'article me fa cambiar d'avís (soi ara plan curiós de saber çò que deu donar "Bei mir bist du schön" dins una interpretacion en lenga nòstra).
Mans de Breish, a la poncha de la modernitat tala qu'èra fa seissanta ans ! Tot lo problèma, justament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari