Un fòrt tèrratrem secodèt aqueste diluns passat lo Curdistan Oriental en causant de centenats de mòrts e de milierats de nafrats. Lo sisme de 7,3 grases sus l’escala de Richter aguèt son epicentre près de la frontièra amb lo Curdistan Meridional, ont tanben sentiguèron las brandidas.
 
Las autoritats iranianas raportèron 328 mòrts e 5300 nafrats, mas en avertissent que se tractava de donadas provisòrias. Lo tèrratrem a secodut una zòna de montanha ont fòrça vilas e vilatges se tròban sens comunicacion ni servicis essencials. L’aiatollà Khamenei, cap suprèm d’Iran, planguèt lo dòl de la nacion iraniana, mai que mai de las familhas afectadas pel sisme.
 
Quant a las autoritats del Curdistan Meridional, raportèron sèt mòrts e tres cents personas espitalizadas. La vila mai pertocada es Derbendîxan ont la “situacion es fòrça critica”, segon lo ministre de la santat, Rejuat Rashid. Lo principal espital de la vila a patit de damatges importants e es demorat sens electricitat, e per aquela rason calguèt menar los nafats a Silêmanî, la segonda vila del país.
 
 

#earthquake7.6 magnitude earthquake strikes the area near the border between Iraq & Iran. Many people in Kuwait felt the shake. 7.6 is massive! pic.twitter.com/qP58BtD2go

— Sameer khan (@Best786Khan) 12 de novembre de 2017

 
 

Video shows the moment strong #earthquake hit parts of #Iran and #Iraqpic.twitter.com/FnLLT20dnj

— Press TV (@PressTV) 12 de novembre de 2017