Actualitats
Garait: an jutjat un realizaire estatsunidenc per aver raportada la lucha dels salariats de GM&S
Lech Kowalski filmava un documentari per Arte e es acusat de “rebellion”
Jutgèron ièr dimècres a Garait (Nauta Marcha), lo realizaire estatsunidenc Lech Kowalski, acusat pel procuraire de “rebellion” per aver enregistrat un documentari per Arte sus la lucha dels salariats de GM&S a La Sostrana. “Foguèri chocat per las inexactituds descrichas pels gendarmas sus çò que se passèt abans, durant e après mon arrestacion”, çò explicava lo cineasta perseguit a Reporterre fa qualques jorns. Risca una multa de fins a 35 000 èuros e dos ans de preson.
A Kowalski l’arrestèron lo 20 de setembre passat mentre que filmava los salariats de l’usina GM&S, qu’alavetz ocupavan la prefectura de Garait. Lo realizaire explica al detalh sus Reporterre cossí se debanèt sa detencion dins un testimoniatge esglasiant.
D’efièch, Kowalksi foguèt expulsat manu militari de la prefectura de Garait per quatre gendarmas mobils mentre que filmava l’ocupacion dels locals pels salariats de GM&S en lucha, e foguèt plaçat en gàrdia a vista al comissariat de la vila marchesa, çò rapòrta La Montagne.
Sosten dels jornalistas del país
Lo sindicat francés dels jornalistas (SNJ) remembra que d’exercir una “pression sus un realizaire un jornalista que rend compte dels faches d’actualitat, es se’n prene a la libertat d’informar”. Per aquela rason, lo Club de la Premsa de Lemosin a fach un acamp de sosten davant lo Tribunal de Granda Instància.
A Kowalski l’arrestèron lo 20 de setembre passat mentre que filmava los salariats de l’usina GM&S, qu’alavetz ocupavan la prefectura de Garait. Lo realizaire explica al detalh sus Reporterre cossí se debanèt sa detencion dins un testimoniatge esglasiant.
D’efièch, Kowalksi foguèt expulsat manu militari de la prefectura de Garait per quatre gendarmas mobils mentre que filmava l’ocupacion dels locals pels salariats de GM&S en lucha, e foguèt plaçat en gàrdia a vista al comissariat de la vila marchesa, çò rapòrta La Montagne.
Sosten dels jornalistas del país
Lo sindicat francés dels jornalistas (SNJ) remembra que d’exercir una “pression sus un realizaire un jornalista que rend compte dels faches d’actualitat, es se’n prene a la libertat d’informar”. Per aquela rason, lo Club de la Premsa de Lemosin a fach un acamp de sosten davant lo Tribunal de Granda Instància.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
O voliái pas creire o veire. Mès lo fielheton catalan, l'article a prepaus dals enfants raubats amai d'autras causas que me rapèle pas quí, tot aquò me mena a convenir qu'es encara viu lo faissisme en Euròpa : aviá solament chanjat de cara e de metòde. Deve dire que tòmbe un pauc de quiu : siái estat inocentàs...
Vivèm en Espanha?
Delicte d'opinion ? Delicte de liure expression d'una opinion politica non autorizada ? Brave new word ! Ben venguts dins lo mond real ! Sèm ara venguts en 1984, amb Jòrdi Orwell…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari