Actualitats
Una estomagada après lo suicidi d’Amanda Todd, una jove victima del secutament sus Internet
Lo suicidi d’Amanda Todd, lo 10 d’octòbre passat, a acipat la societat. L’adolescenta de quinze ans aviá publicat una vidèo sus YouTube ont denonciava lo secutament venent de sos companhs d’escòla.
La gojata se suicidèt après una longa seguida de secutaments, e mai que mai, après qu’un òme obtenguèsse qu’ela li mostrèsse las popas per Internet e qu’el faguèsse difusion dels imatges pel malhum en los fasent plan visibles al mond que coneissiá.
Après aquel fach, la polícia de Canadà a activat lo percaç dels ciberpredators, e dimècres passat anoncièt l’arrestacion de 30 secutaires presumits fins ara. Mai de cent ordenadors e disques son estats requisicionats.
Lo grop d’hackers Anonymous a reagit amb una vidèo on prometon de venjar Amanda Todd.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari