Actualitats
Narbona: 3n collòqui de País Nòstre “per una fòrça culturala occitana”
Se tendrà dissabte que ven a la comuna amb la participacion dels actors pus importants la cultura del país, e tanben de Jornalet
L’ostal de la comuna de Narbona aculhirà dissabte que ven lo 3n collòqui de País Nòstre, entitolat en aquesta ocasion “Per una fòrça culturala occitana en region Occitània/Pirenèus-Mediterranèa”.
Aqueste còp la jornada vira a l’entorn de la question culturala e farà venir los actors pus importants la cultura del país, e tanben Jornalet. Las doas edicions precedentas tractèron la reforma territoriala e lo potencial occitan dins lo desvolopament economic.
L’eveniment lo clavarà la remesa dels prèmis Palma d’Òc e la Cogorda e un concèrt amb de nombroses artistas occitans.
Amb aquel collòqui, l’associacion País Nòstre cèrca d’animar lo debat e la pensada politica a l’entorn dels enjòcs de la lenga e la cultura occitanas dins la societat actuala.
Rendètz-vos dissabte 25 de novembre de 9h30 a 18h a la comuna de Narbona.
Aqueste còp la jornada vira a l’entorn de la question culturala e farà venir los actors pus importants la cultura del país, e tanben Jornalet. Las doas edicions precedentas tractèron la reforma territoriala e lo potencial occitan dins lo desvolopament economic.
L’eveniment lo clavarà la remesa dels prèmis Palma d’Òc e la Cogorda e un concèrt amb de nombroses artistas occitans.
Amb aquel collòqui, l’associacion País Nòstre cèrca d’animar lo debat e la pensada politica a l’entorn dels enjòcs de la lenga e la cultura occitanas dins la societat actuala.
Rendètz-vos dissabte 25 de novembre de 9h30 a 18h a la comuna de Narbona.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#18 Ara l'afar es cuèch, e ai pas tròp enveja de m'esperlongar.
Caquelà:
1- Lo contèxt istoric entre " Catalonha ( Principat) /Paises Catalans" es plan diferent de lo entre " Occitània centrala/ Occitània tota". E, vist del Pais Valencian o de las Islas Balearas, aquela manca de clartat es totjorn un problèm,e i s'engulhan sens vergonha los castelhano-centristes.
2- Parlar del vòte per "Occitanie", sens n'evocar la genèsi ( de saupre que commencèt per un sondatge per de medias- que coneissèm totes- en manca de "buzz", sens cap de debat aprigondit-)---- amb, en seguida, qualques plèga-sardas en mal de reconèissença personala - mas plan al fial de l'importancia del relacional, que se metèron dins l'afar sens se preocupar de las consequencias, pas que per se repetenar- òc, per ieu , aquò, es d'impostura.
#17 E ben, ieu, figura-te, al revèrs de tu, i vau pas anar per que soi tròp occitan e que ma subre-legitimitat poiria trebolar los debats:
- Soi Occitan d'Oxitany, çò que tu sias pas, e te mercèji d'o reconéisser umilament.
- En mai d'aquò, ai l'astre de viure dins Tarn, que, o veiràs se i vénes, - i a de panèls pertot- es " le coeur d'Occitanie" -" Tarn, coeur d'Occitanie! Benvenguda!". i a de missantas lengas que dison qu'aquò's sonque una gadget al sèrvici improbable de la toristalha, e que tot aquel argent desaprofièchat auria poscut sèrvir endacòm mai, per ajudar los qu'ensajan de portar a plec de braç l'accion a favor de la lenga! Quinas ideias!
- En mai del mai, soi Albigés, e me soveni que, fa temps ara, dins de sòmis descabestrats, d'unes avian pensat qu'Albi seria un jorn la capitala d'Occitània;
Aqueles arguments, solide, te van barrar lo clapet, Biarnés !
Cal ben rire , de còps que i a, emai s'es un rire amar!
1/ Sus aquèla question del nom , perqué pas faire coma los Catalans -amb Catalonha (Principat ) e Païses Catalans , es a dire per nosaus : Occitania ( Region ) e Païses Occitans ?
2/ Cal tanben se remembrar que 91.OOO personas an votat per lo nom " Occitanie " dins la consultacion ciutadana del Conselh regional en 2016 , e ara , es dintrat dins la realitat de cada jorn .
#16
Jo qu'i volerí participar, mes qu'èi descobert que ne soi pas occitan.
L'an passat lo monde de País Nòstre que ns'expliquèn que Biarn èra en dehòra d'"Occitanie" (la termièra que sembla de passar per la còsta de Ger)...
Lo Colloqui PAIS NOSTRE de dissabte 25 de novembre a Narbona es una contribucion , una soscadissa comuna sus l'avenidor de l'occitan ... Venètz participar en tota libertat , en plaça de faire comentaris .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari