A l’ocasion del jorn internacional contra la violéncia de genre, que se commemòra cada 25 de novembre, e jol lèma “Non ei non, pro de violéncia de genre”, lo Conselh General d’Aran mostrèt divendres passat son refús de las agressions masclistas amb un acamp a Vielha, çò rapòrta Aué TV. Dins aquel sens, la conselhièra de la santat e del benèsser, Anna Díaz, legiguèt un manifèst oficial que mençona las deplorablas donadas dels maltractaments, viòls e assassinats e qu’exigís que s’acabe aqueste flagèl de nòstra societat.
 
L’eveniment l’alestiguèt lo Servici d’Informacion e Atencion a las Femnas (SIAH segon sa sigla en gascon). Restacat amb aquel problèma social, aquel organisme del govèrn d’Aran organiza tanben un cors de formacion pels trabalhadors socials qu’òbran amb las familhas vulnerablas, sus de mesuras d’autocontraròtle e d’autodefensa.