Actualitats
Ua iniciativa tà perennizar la patz en Bascoat
Lo camin de la patz qu'ei un torn de França qui segueish lo camin de las presons on son embarrats militants bascos. La liga deus drets de l’òmi qu’ei part prenenta
Lo 8 d’abriu passat, actors de la societat civila basca, Bakearen bidea (lo Camin de la Patz, sostitolat en francés "les Artisans de la Paix"), qu’organizèn la jornada de desactivacion de l’arsenau de l’ETA.
Los medishs qu’an encetat un torn de França qui segueish lo camin de las presons on son embarrats militants bascos. En Occitània que son dejà passats au Mont de Marsan lo 16 de noveme e que s’estanquèn 3 dias a Tolosa deu 16 au 19 e a Marselha deu 20 au 22. Bitara la caravana que s’ei aviada de cap a las autas vilas on son detenuts presoèrs politics bascos : Lion, Peitieus, Nantas, Resnn, Lilla en Flandra. Que s’acabarà lo 9 de deceme a París on se debanarà ua manifestacion suu tèma de l’aplicacion de la lei entà tots los presoèrs. A saber, la liberacion deus malauts, lo hèit de poder beneficiar de las libertats condicionaus e tanben lo dret deus presoèrs de poder apressà’s de lor. Aqueths eveniments que’s defeneishen com ua estapa hens lo procès de patz qui deu estar un temps de reparacions e non pas lo de l’umiliacion.
Que cau hornir l’LDH, la Liga deus Drets de l’Òmi, qu’ei part prenenta e que’s carga de l’arcuelh de la caravana capvath l’estat francés. Precisem tà fenir qu’ua mocion de sostien qu’ei estada votada peus elejuts de l’EPCI Bascoat e tanben ua peticion en solidaritat qu’ei estada signada per 100 personalitats favorablas ad aquera iniciativa.
Loison Grangèr
Vidèo: 1r dia, Lo Mont de Marsan-Tolosa
Los medishs qu’an encetat un torn de França qui segueish lo camin de las presons on son embarrats militants bascos. En Occitània que son dejà passats au Mont de Marsan lo 16 de noveme e que s’estanquèn 3 dias a Tolosa deu 16 au 19 e a Marselha deu 20 au 22. Bitara la caravana que s’ei aviada de cap a las autas vilas on son detenuts presoèrs politics bascos : Lion, Peitieus, Nantas, Resnn, Lilla en Flandra. Que s’acabarà lo 9 de deceme a París on se debanarà ua manifestacion suu tèma de l’aplicacion de la lei entà tots los presoèrs. A saber, la liberacion deus malauts, lo hèit de poder beneficiar de las libertats condicionaus e tanben lo dret deus presoèrs de poder apressà’s de lor. Aqueths eveniments que’s defeneishen com ua estapa hens lo procès de patz qui deu estar un temps de reparacions e non pas lo de l’umiliacion.
Que cau hornir l’LDH, la Liga deus Drets de l’Òmi, qu’ei part prenenta e que’s carga de l’arcuelh de la caravana capvath l’estat francés. Precisem tà fenir qu’ua mocion de sostien qu’ei estada votada peus elejuts de l’EPCI Bascoat e tanben ua peticion en solidaritat qu’ei estada signada per 100 personalitats favorablas ad aquera iniciativa.
Loison Grangèr
Vidèo: 1r dia, Lo Mont de Marsan-Tolosa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari