capçalera campanha

Actualitats

Cultura
crotz-tolosaCreated with Sketch.LengadòcLengadòc BasBesierés

Calàbria, Catalonha, Malhòrca e Occitània se rescontraràn al CIRDÒC

Dimècres 6 de decembre, la mediatèca occitana recebrà tota la jornada una residéncia del projècte musical Arc Nòrd Mediterranèa

Dimècres 6 de decembre, dins l’encastre de la Setmana Calabresa, lo CIRDÒC recebrà tota la jornada una residéncia del projècte musical Arc Nòrd Mediterranèa. Aqueste projècte es un rencontre musical a l’entorn dels instruments tradicionals: zampogna e totarella calabresas, sac de gemecs e tarota catalanas, xeremia e flabiol malhorquins e autbòis e bodega occitans. L’idèa l’aguèron fa mai d’un an lo mond de Mar e Montanha, grop ont se maridan ja dos instruments tradicionals lengadocians: l’autbòi e la bodega.
 
Fa un an, un primièr rescontre aguèt luòc al Cirdòc. Tot l’an, los grops passegèron unes en cò dels autres per trabalhar lo projècte que 2018 ne serà l’annada de virada. En mai de la musica, lo mond d’Arc Nòrd Mediterranèa an una consciéncia linguistica: lo nom del projècte es en occitan e an velhat de cantar de cançons dins la lenga de cada grop: calabrés, catalan e occitan.
 
Jornalet es partenari d’Arc Nòrd Mediterranèa.

 
 
 


abonar los amics de Jornalet
 

Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pirolet
5.

#1 A! Cal èstre de mòda? Qual es "in", qual es "out"? coma cantava Gainsbourg!
Un exemple: lo Macronet sembla "in" a fòrça mond mas es complètament "out" quand s'espepissan sa recèptas de l'an pebre.

  • 2
  • 0
francesc palma
4.

Ses xeremies amb lo fabiol e tamborí son los animadors de les festes tradicionals a Mallorca. Què no hi manquin. Pels passacarrers, per las joies e corregudas. E tamben pels balhs, es pot tocar la "mateixa de colhir oliva", qu' es una corranda, solament amb una parelha de xereniers flabiol i tamborí i no has de mester molts de músics amb guitarras, guitarró,i percussió.

  • 4
  • 1
Occitània 1970
3.

#1 Tot es pas falç dins aquò que dises, l'òme.

  • 4
  • 2
l\\\'amic de tot lo monde
2.

Enfin, de tota mòda, que sòi plan content qu'era Region Occitania sia convidada ath Cirdoc.

  • 3
  • 0
l\'amic de tot lo monde
1.

Era Catalonha pr'ací, era Catalonha pr'aquí, l'estat fasciste espanhòu, l'estat fasciste francés, lo Bascoat vist peth conflit armat, eths arrefugiats, eths aborigènes, pòples oprimits d'Amazonia, etc...

S'analisatz eras informacions deth Jornalet, que vedetz plan era linha politica completament despassada d'aqueth petit jornau. Que vos disen "qu'ètz catalans, qu'ètz aborigènes, qu'ètz oprimits per un estat colonizator ! Obritz eths oelhs !"
Qu'ei era linha politica deth IEO que mièc ath quisme entre eras duas partidas AIEO e IEO. Que podem veir e comprénguer ara ce quin s'èran borrats eths prumèris en jogar tot sus era carta politica e tot díser 2 causas:
- Occitània qu'ei ua nacion
- Aquera nacion qu'ei oprimida per un colonisator, a saber era França.

Qu'ei un suicidi ideologic que de contunhar sus aquera linha que non tròba pas nat arreclam ena populacion, sensat, d'Occitània. De tota mòda, eth concèpt madeish d'Occitània qu'ei mort ara creacion dera region Midi-Pyrénée-Languedoc-Roussillon. En tot saber que n'avia pas james tocat era basa.
En mès d'aquò, de parlar tostemps dera França coma d'un colonisator, çò qu'ei istoricament completament anacronic, quau istorian que se volha ac dirà, qu'ei en descalatge totau dab era situacion sociau e economica deth sud dera França qu'ei de mès en mès poplada per populacions venguent de pertot.

Jornalet qu'ei eth exemple perfèit dera mauescaduda (de l'échec) deth occitanisme. Despassat, desmodat, estret e sord...

  • 4
  • 18

Escriu un comentari sus aqueste article