Actualitats
De nòvas recèrcas càmbian la compreneson de la teoria quantica
An confirmat que, pendent lo procès de creacion de parelhs de fotons, aquestes pòdon nàisser de desparièras localizacions
La fisica es una sciéncia apassionanta. Quand pensas que sas quicòm, de nòvas recèrcas càmbian la compreneson qu’aviam de cèrtas teorias. Una còla de fisicians angleses ven de descobrir un nòu mecanisme dins lo procès de creacion de fotons (parelhs). La descobèrta pòt limitar la compreneson actuala de la resolucion espaciala e de la pròpria teoria quantica.
Lo director de l’estudi, David Andrews, de l’Universitat d’East Anglia (Norwich, Anglatèrra), a confirmat que, pendent lo procès de creacion de parelhs de fotons, aquestes pòdon nàisser de desparièras localizacions. Aquò aurà una granda implicacion en fisica quantica, la basa teorica de la fisica modèrna.
Aquò pr’amor que fins a uèi lo jorn, se pensava que los parelhs de fotons naissián necessàriament dins un meteis luòc de l’espaci. Las repercussions son grandas pr’amor que la practica quantica es utilizada uèi en fòrça procèsses dins los laboratòris de la planeta (en criptografia quantica mas tanplan en teleportacion quantica).
La descobèrta, e mai siá un trabalh que li cal encara una confirmacion experimentala, es estada facha en tot estudiar la conversion parametrica espontanèa (SPDC en anglés). Dins aquel procès fisic, los scientifics fasián passar de particulas fotonicas a travèrs d’un cristal per generar de parelhs de fotons. Descobriguèron que los procèsses de creacion d’aqueles parelhs fotonics se fasián en desparièrs luòcs de l’espaci.
“A un nivèl fondamental – çò expliquèt Andrews– lo procès de conversion de fotons en parelhs arriba a travèrs de cèrtas interaccions qu’intrarián dins la susceptibilitat optica non lineara de segond òrdre. Es mai una responsa dipolara electrica de tresen òrdre”.
Combinacion d’energia fotonica
Aital, la còla qu’a fach la descobèrta a confirmat que cada parelh de fotons a una cèrta energia combinada a un moment del temps parièr al del foton exterminat. “Quand los nòus fotons son creats, compartisson l’energia del procès conegut coma conversion degenerativa (DDC en anglés) –çò diguèron los cercaires–. Ara, l’identificacion scientifica d’un nòu mecanisme deslocalizat mòstra que cada parelh de fotons pòt èsser creat en desparièrs ponches de l’espaci e aquò balha una determinacion incèrta a las originas de la fisica quantica mai fondamentala”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion.Podètz legir l'article entièr aicí.
Lo director de l’estudi, David Andrews, de l’Universitat d’East Anglia (Norwich, Anglatèrra), a confirmat que, pendent lo procès de creacion de parelhs de fotons, aquestes pòdon nàisser de desparièras localizacions. Aquò aurà una granda implicacion en fisica quantica, la basa teorica de la fisica modèrna.
Aquò pr’amor que fins a uèi lo jorn, se pensava que los parelhs de fotons naissián necessàriament dins un meteis luòc de l’espaci. Las repercussions son grandas pr’amor que la practica quantica es utilizada uèi en fòrça procèsses dins los laboratòris de la planeta (en criptografia quantica mas tanplan en teleportacion quantica).
La descobèrta, e mai siá un trabalh que li cal encara una confirmacion experimentala, es estada facha en tot estudiar la conversion parametrica espontanèa (SPDC en anglés). Dins aquel procès fisic, los scientifics fasián passar de particulas fotonicas a travèrs d’un cristal per generar de parelhs de fotons. Descobriguèron que los procèsses de creacion d’aqueles parelhs fotonics se fasián en desparièrs luòcs de l’espaci.
“A un nivèl fondamental – çò expliquèt Andrews– lo procès de conversion de fotons en parelhs arriba a travèrs de cèrtas interaccions qu’intrarián dins la susceptibilitat optica non lineara de segond òrdre. Es mai una responsa dipolara electrica de tresen òrdre”.
Combinacion d’energia fotonica
Aital, la còla qu’a fach la descobèrta a confirmat que cada parelh de fotons a una cèrta energia combinada a un moment del temps parièr al del foton exterminat. “Quand los nòus fotons son creats, compartisson l’energia del procès conegut coma conversion degenerativa (DDC en anglés) –çò diguèron los cercaires–. Ara, l’identificacion scientifica d’un nòu mecanisme deslocalizat mòstra que cada parelh de fotons pòt èsser creat en desparièrs ponches de l’espaci e aquò balha una determinacion incèrta a las originas de la fisica quantica mai fondamentala”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion.Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es ben segur una recerca incerta de la teoria quantica. E tot aquò es un gros emmbolic, perquè un pichon foton s'ha de convertir en dos fotons mai, doncs perquè oc, perquè es reprodueis com las personas. Lo que sorpren es que la natura de duas personas de diferent signe surt un ser nou, mas aquí es diferent d'un foton en surten dos. Mas es transforma en dos fotons e au, es atal e pro.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari