Actualitats
Quatren concors de preseps de Jornalet
Mandatz de fòtos de vòstra grépia e ganhatz un polit present de Nadal
Se sarran Calendas, lo temps de fèsta a l’entorn de Nadal e del solstici d’ivèrn. La cultura occitana s’i manifèsta plan, amb los repaisses en familha, de recèptas tradicionalas, los tretze dessèrts, lo cachafuòc o la soca de Nadal, las pastoralas, los nadalets, la decoracion de l’ostal e los tradicionals preseps tanben nomenats presepis, betlèms o grépias.
Per tant, Jornalet vòl organizar un còp de mai son concors de grépias, que son ganhant recebrà de polits presents. Pendent aqueste mes de decembre, e fins al 6 de genièr, mandatz-nos las fotografias de vòstre presep o presepi o betlèm o grépia. Publicarem vòstres imatges regularament e aital totes poirem veire cossí los autres legeires vivon las fèstas.
Dins las annadas precedentas faguèrem de concorses similars, que nos permetèron de descobrir la riquesa de las tradicions ivernalas d’Occitània tota, e de conéisser cossí se passan Calendas en cò dels legeires de Jornalet. Lo concors de 2012 lo ganhèt Quentin Willaume pel presep qu’el meteis faguèt en representant un vilatge dels Alps de Provença, lo de 2015 lo ganhèt Beneset Thauvin del país de las Mauras, amb un presep tipicament provençal, e lo de 2016 lo ganhèt Josette Moll de Narbona Plaja per sa subrebèla grépia que representa un vilatge de la còsta de Lengadòc.
Per tant, Jornalet vòl organizar un còp de mai son concors de grépias, que son ganhant recebrà de polits presents. Pendent aqueste mes de decembre, e fins al 6 de genièr, mandatz-nos las fotografias de vòstre presep o presepi o betlèm o grépia. Publicarem vòstres imatges regularament e aital totes poirem veire cossí los autres legeires vivon las fèstas.
Dins las annadas precedentas faguèrem de concorses similars, que nos permetèron de descobrir la riquesa de las tradicions ivernalas d’Occitània tota, e de conéisser cossí se passan Calendas en cò dels legeires de Jornalet. Lo concors de 2012 lo ganhèt Quentin Willaume pel presep qu’el meteis faguèt en representant un vilatge dels Alps de Provença, lo de 2015 lo ganhèt Beneset Thauvin del país de las Mauras, amb un presep tipicament provençal, e lo de 2016 lo ganhèt Josette Moll de Narbona Plaja per sa subrebèla grépia que representa un vilatge de la còsta de Lengadòc.
| fffff | — Mandatz una fòto de vòstre presep abans lo 6 de genièr a info@jor... en indicant qu’es per lo concors de preseps. — Lo 7 de genièr, la redaccion contactarà la persona ganhanta del concors e li mandarà lo present. Quand lo ganhant l’aurà recebut, nos mandarà una fòto amb lo present: serà publicada dins Jornalet amb la fòto de son presep. — Mentre que lo mond mandaràn las fòtos, tre uèi e fins al 6 de genièr, la redaccion las publicarà dins una galariá especiala. — Podètz veire las fòtos de las edicions precedentas [edicion de 2016] (edicion de 2015), (edicion de 2012) |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bon jorn!
Vesi pas lo problèma que lo Jornalet faga un concors de presèps, aiçò lo convertís pas en un jornal "religiós" , Cada an fau lo presèp, mas i aja concors de presèps o i aja pas legirai lo jornal egalament.
Amistats!!
Lo Jornalet n'ei pas ua institucion publica.
Personaument, ne soi pas fan de presèps, ni de confession catolica.
Après ne vedi pas perqué n'i poderé pas aver dens lo Jornalet un espaci per un concors de presèps, se i a monde que se n'agradan.
Parièr, ne vedi pas nat problèma a difusar novelas que pertocan eveniments religiós quitament se ne'us legerí pas...
Vesi 7 valorizacions rojas contra 2 verdas, sens comentaris, que me mènan a precisar mon vejaire.
Precisi que respecti totas opinions contràrias!
- Tèma de grepias: crestian / pagan
Per exemple, la Ronda de las Grepias del Gerç an un tèma non-crestian o pagan:
"A la conquista de l'Oèst american.
A Besièrs, malgrat la decision del Conselh d'Estat que a judjat illegala l'installacion de la grepia dins l'ostal de vila, le cònsol persista ongan (Robert Ménard, tendéncia extrema dreita).
D'unas grepias publicadas per Jornalet son a tèma crestian, ça-que-la fòrt polidas...
- Laïcitat
La laïcitat es la non-reconeisséncia per l'Estat e las collectivitats publicas, de las religions; es un principi de neutralitat (cap de sosten, nimai finançament...).
Le subjècte es sensible en França, e d'unes son estacats al principi de neutraitat religiosa en mantun domenis.
Un jornal que sosten, volontàriament o involontàriament, una religion, es pas independent d'aquel costat, çò que s'admet complètament, mès es pas neutre cap al lectorat.
Vesi 7 valorizacions rojas contra 2 verdas, sens comentaris, que me mènan a precisar mon vejaire.
Precisi que respecti totas opinions contràrias!
- Tèma de grepias: crestian / pagan
Per exemple, la Ronda de las Grepias del Gerç an un tèma non-crestian o pagan:
"A la conquista de l'Oèst american.
A Besièrs, malgrat la decision del Conselh d'Estat que a judjat illegala l'installacion de la grepia dins l'ostal de vila, le cònsol persista ongan (Robert Ménard, tendéncia extrema dreita).
D'unas grepias publicadas per Jornalet son a tèma crestian, ça-que-la fòrt polidas...
- Laïcitat
La laïcitat es la non-reconeisséncia per l'Estat e las collectivitats publicas, de las religions; es un principi de neutralitat (cap de sosten, nimai finançament...).
Le subjècte es sensible en França, e d'unes son estacats al principi de neutraitat religiosa en mantun domenis.
Un jornal que sosten, volontàriament o involontàriament, una religion, es pas independent d'aquel costat, çò que s'admet complètament, mès es pas neutre cap al lectorat.
Per informacion, en Gèrç, la Ronda de las Grèpias acampa sèt vilatges qu'expausan cadun una grèpia de Nadal subre un tèma comun.
N'aprofièiti per senhalar que las grèpias religiosas son pas en França dins les estabiments publics, de l'estat o de collectivitats territorialas, de qualas les ostals de vila. Principi constitucional de laïcitat.
Se l'operacion de Jornalet es a priori simpatica, ne demòra pas mens non-laïca, es suggère a tòrt qu'Occitània es encara ben catolica.
Aquela linha jornalistica es criticable se Jornalet vòl tocar un lectorat larg.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari